Хаартыска: СИА.
Балаҕан ыйын 1 күнүттэн ыам ыйын 31 күнүгэр диэри Саха сирин элбэх оҕолоох дьиэ кэргэттэрин оҕолоро — 1-11 кылаас үөрэнээччилэрэ уопсастыбаннай тырааныспарга босхо айанныахтара. Бу көмө миэрэтин быраабылатын тырааныспар, суол хаһаайыстыбатын министиэристибэтигэр бигэргэттилэр.
Холобур, Дьокуускай куоракка элбэх оҕолоох ыаллар оҕолорун барыларын, дьиэ кэргэн дохуотуттан тутулуга суох, босхо айанынан хааччыйыахтара. Куорат дьаһалтата иһитиннэрбитинэн, үөрэнээччилэргэ тустаах тырааныспар каартатын оҥоруохтара. Манна «Саха сирин олохтооҕун каартатын» туһаныахха сөп.
Каартаҕа биир ыйга 96 айан көрүллэр. 97-с сырыытыттан бэйэтэ төлүүр буолар. Өскөтүн оҕо икки оптуобуска көһөн олорсон күннэтэ айанныыр да буоллаҕына, бу нуормата тиийиэн сөп.
Билигин Дьокуускайга 10 901 элбэх оҕолоох дьиэ кэргэн баар, кинилэр 16 160 үөрэнээччини иитэллэр.
Бу көмө миэрэтин туһунан ыйаахха Ил Дархан Айсен Николаев 2024 сыл муус устар 26 күнүгэр илии баттаабыта. Бу ыйаахха өссө элбэх оҕолоох дьиэ кэргэттэр оҕолоро оскуолаҕа босхо итии аһынан хааччыллыахтаахтар диэн ыйыллар. Дьиэ кэргэн, Оҕо саас сылларынан, бэртээхэй бэлэх буолсу.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…