Хаартыска: stepfuture14.ru
“Инники идэҕэ хардыы” эдэр чинчийээччилэр XVIII өрөспүүбүлүкэтээҕи пуорумнарын иитинэн, СӨ уһулуччулаах судаарыстыбаннай уонна бэлитиичэскэй диэйэтэлэ Егор Афанасьевич Борисов 70 сааһыгар аналлаах куйаар ситиминэн олимпиада ыытыллар.
Олимпиада сүрүн сыалынан оҕо-аймах, ыччат ортотугар төрөөбүт дойду туһунан билиини хаҥатыы, патриотизм тыыныгар иитии, СӨ судаарыстыбаннай сүбэһитэ Егор Афанасьевич Борисов олоҕун, үлэтин-хамнаһын, бэлитиичэскэй, уопсастыбаннай үлэтин билиһиннэрии буолар.
Олимпиадаҕа оскуола, эбии үөрэхтээһин, орто анал үөрэх тэрилтэлэрин үөрэнээччилэрэ, устудьуоннара, педагогтара кытталлар. Олимпида Е.А.Борисов олоҕор, үлэтигэр сыһыаннаах 25 ыйытыыттан турар.
Тэрээһин бу сыл сэтинньи 1 күнүттэн 30 күнүгэр диэри буолар. Саамай элбэх баалы ылбыт киһи кыайыылааҕынан тахсар. Кыттааччылар бааллара тэҥнэһэр түгэнигэр тест толоруллуутун күнэ-дьыла, чааһа учуоттанар.
Кыайыылааҕы 2024 сыл ахсынньы 7 күнүн хойутаппакка быһаарыахтара. Түмүк, пуорум бастакы күнүгэр биллиэҕэ. Ол туһунан иһитиннэриини пуорум официальнай саайтыгар https://stepfuture14.ru/ таһаарыахтара.
Кыттааччыларга барыларыгар олимпиадаҕа кыттыбыттарын туоһулуур электроннай сэртипикээттэри ыытыахтара.
Куйаар ситиминэн ыытыллар олимпиадаҕа бу сигэнэн киирэн кыттыҥ: https://onlinetestpad.com/ddqpikdbgezys
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…
Айсен Николаев ахсынньыга Туһаайан этиитигэр ааспыт сыл ситиһиитин кэпсээтэ, кэлэр сылларга сайдыы тосхолун торумнаата, парламент,…
Бу күннэргэ күн-дьыл туруга хайдаҕый? Күнү-дьылы кэтээн көрөөччүлэр туох дииллэрий? Саха сирин арҕаа, соҕуруулуу-арҕаа ,…
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…