Александр Бурнашов Саха Өрөспүүбүлүкэтин норуодунай артыыһа буолла

Бүгүн, балаҕан ыйын 27 күнүгэр, “СӨ норуодунай артыыһа” бочуоттаах ааты эстрада тыйаатырын артыыһыгар, СӨ үтүөлээх артыыһыгар Бурнашов Александр Валерьевичка үөрүүлээх быһыыга-майгыга туттардылар.

Маны сэргэ Ил Дархан ыйааҕынан «СӨ норуодунай артыыһа бочуоттаах» аат Ньурба көһө сылдьар драматическай тыйаатырын артыыһыгар Борис Борисовка уонна Саха академическай тыйаатырын драма артыыһыгар Елена Румянцеваҕа иҥэрилиннэ.

“СӨ норуодунай суруйааччыта” бочуоттаах аат суруйааччы, СӨ суруйааччыларын Сойууһун чилиэнигэр, СӨ норуотун хаһаайыстыбатын үтүөлээх үлэһитигэр Наумов Дмитрий Федосеевичка уонна Саха сирин суруйааччыларын Сойууһун бырабылыанньатын чилиэнигэр, СӨ үтүөлээх артыыһыгар, П.А.Ойуунускай аатынан СӨ Судаарыстыбаннай бириэмийэ лауреатыгар Слепцова  Елена Васильевнаҕа (Куорсуннаахха) туттарылынна.

Хаартыска: эстрада тыйаатырын инстаграмыттан