Ыһыаҕы санатта

Саха сирин үтүөлээх этээччитэ Арыйаана Романовна Михайлова оһуокайынан дьарыктаммыта 25 сыллаах үбүлүөйүнэн, оҕолорго үс түһүмэҕинэн республикатааҕы күрэх саҕаланна.

Күрэххэ 45 кыттааччы Ньурбаттан,Үөһээ Бүлүүттэн, Дьокуускайтан, Хаҥаластан, Уус Алдантан, Хатастан кэлэн кытта сылдьаллар. Күрэх иннинэ оҕолор алгыстаннылар.

Күрэххэ 6 сааһыттан 17 сааһыгар диэри кытыннылар. Үчүгэйэ диэн оҕолор тыллара-уустара хомоҕойо сөхтөрдө. Хайдах эрэ ыһыаҕы санатта. Оҕолорбут улахан дьонтон итэҕэһэ суох бииртэн биир үчүгэйдэрэ сөхтөрдө. Маннык тэтиминэн бардаҕына, инникибит баар эбит диэн үөрдүм.

Тэрийээччи Арыйаана алта сааһыттан оһуокайынан утумнаахтык дьарыктанан, 20 сааһыгар үтүөлээх этээччи аатын ылбыта. Арыйаана күрэҕин республикатааҕы инники көлүөнэ фондата, Оһуокай республикатааҕы түмсүүтэ, «Водоканал» о.д.а өйөөбүттэр.

Марта Николаева