Ыһыах кэмигэр Үс Хатыҥҥа төлөбүрдээх парковкалары тэрийии чахчы дуо?

Дьокуускай баһылыга Евгений Григорьев Туймаада ыһыаҕын кэмигэр Үс Хатыҥ сиригэр төлөбүрдээх парковканы тэрийии туһунан иһитиннэриини бэрэбиэркэ ыытары сорудахтаата.

Төлөбүрдээх парковкалар тустарынан биллэриилэр социальнай ситимнэргэ тарҕана сылдьаллар.

«Биһиэхэ, Үс Хатыҥҥа, ыһыах кэмигэр массыыналар турар сирдэрэ босхо. Муниципальнай иниспиэксийэ уонна административнай хамыыһыйа управлениета бу дьыаланы суһаллык бэрэбиэркэлиэн  уонна оҥоһуллубут кэһиилэри туоратыан наада. Нодзуор уорганнарыгар биллэриэхтээх уонна муниципальнай сиргэ-уокка ким кэлэн сокуону кэһэн туран тутуу ыыта сылдьарын быһаарыахтаах«, — диэн сорудахтаата Евгений Григорьев.

Маннык иһитиннэрии бүгүн, бэс ыйын 24 күнүгэр, Дьокуускай куорат дьаһалтатын уопсай мунньаҕар этиллибит.