ЫЙЫТ-ХОРУЙДУУБУТ: Биирдэ холбуу төлүүбүт дуо?

— Мин уруккулуу, атахпынан хааман тиийэн дьиэм, уотум төлөбүрүн төлүүбүн. Уоппун-күөспүн ДЭК хонтуоратыгар уонна бөҕү-сыыһы тиэйии, уум төлөбүрүн иһин атын каассаҕа тиийэн, быһата сэттэ сиринэн сүүрэн төлүүбүн. Сороҕор тугу төлөөбүппүн-төлөөбөтөхпүн даҕаны булкуйабын. Ону барытын биирдэ төлүүр буолбуттар диэн кэпсэтэллэрин иһиттим. Сүбэлээҥ эрэ.

СӨ Олорор дьиэҕэ, хомунаалынай хаһаайыстыбаҕа уонна энэргиэтикэҕэ министиэристибэтэ маннык иһитиннэрдэ:

— e yakutia.ru “Объединенный платежный документ” (ОПД) сервиһин көмөтүнэн дьиэ-уот хомунаалынай өҥөтүн барытын биирдэ баттаан төлүүр кыахтааххыт. Бу сервис судаарыстыбаннай өҥө эрэгийиэннээҕи порталыгар һttps//e yakutia.ru//ultrapayment ссылкаҕа баар.
e yakutia.ru — бу нэһилиэнньэҕэ судаарыстыбаннай уонна муниципальнай өҥөлөрү оҥорор портал.

ОПД кыахтара:
— ОДьКХ өҥөтүн биир кунуопканы баттаан төлөөһүн;
— прибордар көрдөрүүлэрин биэрии;
— төлөбүрү ааҕыыларга толору кибитээнсийэ;
— учуоттуур прибордар көрдөрүүлэрин архыыба;
— төлөбүр устуоруйата;
— хас да аадырыстарынан төлөөһүн;
— каассаҕа барар наадата суох эбэтэр өҥөнөн хааччыйаачылар саайтарыгар хас да кэбиниэти арыйыы ирдэммэт;

ОДьКХ төлөбүрүгэр субсидияны ылааччыларга ОПД сервиһиттэн чахчылар киирэллэр.
ОПД төлүүргэ наада:
1. e yakutia.ru киириҥ, логин уонна пароль көмөтүнэн бэлиэтэниҥ, сүрүн сирэйгэ “Оплата” салааны талыҥ.
2. “Объединенный платежный документ” сервискэ киирдигит.
3. “Оплатить все услуги в о??? ????? ???????.
дин клик” баттааҥ.
4. Дьиэҕитин “Добавить” кунуопканы баттаан эбиҥ. Салгыы аадырыскытын суруйуҥ уонна “Продолжить” баттааҥ.
5. Аһыллыбыт түннүккэ аадырыһы баттаан төһө ааҕыллыбытын көрүҥ уонна төлөөҥ, учуоттуур прибордаргыт көрдөрүүлэрин биэриҥ, төһөнү төлөөбүккүтүн кэтээн көрүҥ.