Ыйыт-хоруйдуубут: билиэппин хайдах төннөрөбүн?
![](https://sakha-sire.ru/wp-content/uploads/2024/06/px-900x596.jpg)
Билиэппин хайдах төннөрөбүн?
– Пуойаһынан айанныам дии санаан, электроннай билиэт атыыласпытым. Аны сөмөлүөккэ чэпчэки билиэт көһүннэ, онон каассаҕа электроннай билиэппин хайдах туттарыахпын сөбүй?
Арассыыйа тимир суолларын (РЖД) саайтыгар маннык туһалаах сүбэни биэрбиттэр:
– Электроннай билиэти Арассыыйа сиригэр-уотугар төннөрүүнү оҥорор ханнык баҕарар каассаҕа туттарыахха сөп.
Билиэтин пассажир бэйэтэ туттарыахтаах. Эбэтэр олох кыаллыбатаҕына дэбиэринэһинэн билиэти төннөрөр кыахтааххын. Төннөрөргө биэрэр докумуоннарыҥ:
– хонтуруоллуур купуон эбэтэр электроннай билиэт/сакаас нүөмэрэ;
– пааспар (эбэтэр билиэккэ ыйыллыбыт киһигин туоһулуур атын докумуон);
Өскөтүн каассаҕа эбэтэр бэйэ атыылаһар терминалыгар кумааҕы билиэт ылыллыбыт буоллаҕына – хонтуруоллуур купуон оннугар ону көрдөрөҕүт.
Сообщить об опечатке
Текст, который будет отправлен нашим редакторам: