Ыйыт — хоруйдуубут: Бырдахтан хайдах көмүскүүбүт?

Саха ынаҕын иитиэн баҕалаах ыал ыйытыытыгар Эбээн Бытантайтан хоруйдаатылар.

— Саха ынаҕын иитиэхпитин баҕарабыт. Онон бу ынах туһунан истэ-билэ сатыыбыт. Сайыҥҥы кэмҥэ эмиийин бырдахтан хайдах көмүскүүллэрий?

Петровтар.

Ыйытыыга Эбээн Бытантай улууһун Дьарҕаалаах нэһилиэгин “Баишева М. П.” бааһынай хаһаайыстыба баһылыга Мотрена Баишева маннык эппиэттээтэ:

— Мин саха ынахтарын иитэбин. Бырдах түһэр кэмин саҕана, уопсайынан, сайыҥҥы ыйдарга ынахтарым эмиийдэрин ынах арыытынан сотобун. Оччоҕуна күн уотуттан, итииттэн, тыалтан-куустан хатырбат, бааһырбат уонна, санаабар, бырдах даҕаны сиэбэт курдук буолар.