Ыйыт-хоруйдуубут: быстах хомуур тула

Анал эпэрээссийэ кэмигэр быстах хомуурга сыһыаннаах ыйытыылар киирэллэр.  

— Үс оҕо мин көрүүбэр баарын туһунан дакаастыырга ханнык докумуоннары уонна ханна биэриэхтээхпиний?

Ыйытыыга хоруйу “Объясняем. рф” федеральнай саайтан ыллыбыт:

— РФ Дьиэ кэргэн кодексын 80 ыстатыйатыгар олоҕуран, төрөппүттэр саастарын ситэ илик оҕолорун көрүөхтээхтэр. Онон сибээстээн, саастарын ситэ илик оҕолор төрөөбүттэрин туһунан  сибидиэтэлистибэлэригэр ыйыллыбыт төрөппүттэрин иитиитигэр баалларынан ааҕыллар. Маныаха бииргэ олороллоруттан, олорботторуттан тутулуктаммат.

Иитэриҥ туһунан чахчыны бигэргэтэр туһугар байаҥкамаакка эн аҕа  буоларыҥ ыйылла сылдьар оҕолоруҥ “төрөөбүттэрин туһунан сибидиэтэлистибэлэрин” көрдөрүөхтээххин.

Хаартыска: тустаах саайтан