ЫЙЫТ-ХОРУЙДУУБУТ: Элбэх оҕолоох ыалларга төһө төлөбүр бэриллэрий?

— Дьиэ-уот төлөбүрүгэр элбэх оҕолоохторго туох көмө баарый?

“Субсидия агентствота” ГКУ БТ социальнай өйөбүл миэрэлэрин арыаллааһын отделын начаалынньыгын солбуйааччы Марина Владимировна Петрова маннык эппиэти ыытта:

— “Субсидия агентствота” ГКУ БТ нөҥүө Саха сиригэр элбэх оҕолоох ыалларга 2024 с. балаҕан ыйын 1 күнүттэн дьиэ-уот уонна хомунаалынай өҥөлөр төлөбүрдэрин иһин 30% кээмэйдээх төлөбүр бэриллэр. Чэпчэтии 12 ыйга көрүллэр.

Өскөтүн бу кэмҥэ дьиэ-уот өҥөлөрүн дьиҥнээх ороскуоттара төлүүргэ үрдүк, улахан буоллаҕына, оччоҕуна элбэх оҕолоох дьиэ кэргэн хос ааҕыы (перерасчет) оҥотторуон сөп. Бу сыала — дьиҥнээх ороскуоту толуйуу. Чэпчэтии уопсай кээмэйэ дьиҥнээх ороскуоттар 30% кыра буолуо суохтаах. Санатан эттэххэ, төлөбүрү хайыы үйэ ылбыт эрэ дьиэ кэргэттэр хаттаан аахтарыахтарын сөп.

Сайабылыанньаны эрэгийиэннээҕи портал нөҥүө биэриҥ: e‑yakutia: һttps://e‑yakutia.ru/#/sһortCard/14202564

Сайабылыанньа 14 күн көрүллэр.

Хос ааҕыы маннык ороскуоттарга көрүллүбэт:

— кытаанах оттугу атыылаһыыга (мас, таас чох);

— иһэр ууну тиэйтэриигэ;

— убаҕас кирдээх ууну тастарыыга (септиктэн).

Хаттаан аахтарыы түмүгүнэн эбии төлөөһүн төлөбүр ылбыт бааҥҥыт счетугар киириэҕэ.

Саҥа болдьоххо сайабылыанньаны биэрэр туһунан санатабыт. Чэпчэтии сайабылыанньанан 12 ыйга ананар.

Икки ньыманан сайабылыанньа биэриэххитин сөп:

РПГУ нөҥүө маннык ссылканан — һttps://e‑yakutia.ru/#/sһortCard/14202428

”Мин докумуонум” киин нөҥүө аадырыһын, офис үлэтин манан киирэн көрүҥ: һttps://mfcsakһa.ru/filials_type/4