Ыйыт-хоруйдуубут: эмтээх дуо?

Ааҕааччыбытыттан маннык ыйытыы киирдэ:

— Куобах тириитэ эмтээх дуо?

Мэҥэ Хаҥалас Майа сэл. олохтооҕо, любитель-булчут Иннокентий Неустроев маннык хоруйдаата:

— Биир күн кийииппит кэргэммэр Любаҕа эрийэн, аймахтарбыт оҕолоро улаханнык тымныйан ойоҕостоппут диэбитэ. Уонна ийэтэ куобах тириитин көрдөһөрүн тириэрдибитэ. “Ол туохха көрдүүрүй? диэн ыйытыыбар: “Тирии өттүнэн оҕо түөһүгэр сыһыары тутан уураары гынар”,  — диэбитэ. Ол кэннэ киэһэлик оҕо ийэтэ олус махтаммыт этэ. Оҕото тута сырдаан, үтүөрэн, сэргэхсийэн барбыт. Ону истэн кэргэмминиин үөрдүбүт аҕай. Дьэ, куобах тириитэ туһалаах эбит диэн түмүккэ кэлэн олоробут. Тускутугар туһаныҥ!

Хаартысканы И. Неустроев ыытта.