ЫЙЫТ-ХОРУЙДУУБУТ: Гранулаламмыт оту хайдах сиэтэбит?

СӨ Бэтэринээрийэ департаменын салайааччыта Петр Петров сүөһүлээх, сылгылаах дьоҥҥо маннык сүбэлээтэ:

— Биир киилэ гранулаламмыт от быһа холуйан 4-5 киилэ үрдүк хаачыстыбалаах, оттон мөлтөх хаа­чыстыбалаах оту – 9-10 киилэни солбуйар. Сүөһүгэ гранулаламмыт оту сиэтэргэ маннык нуорманы тутуһуллуох­таах:

• Ынахтарга – күҥҥэ 2 киилэттэн ордуга суоҕу
• Ыччат сүөһүгэ – күҥҥэ 0,3-1,0 киилэни
• Улахан козаларга – күҥҥэ 0,3-0,5 киилэни
• Эдэр козаларга – күҥҥэ 0,07-0,1 киилэни
• Улахан сибиинньэҕэ – күҥҥэ 0,2-0,5 киилэни
• Ыччат сибиинньэҕэ – күҥҥэ 0,05 киилэни
• Улахан сылгыга – күҥҥэ 2-3 киилэни.

Упаковкатыгар суруллубут ыйынньыгы ааҕан, онно ыйыллыбыт дозаны тутуһаргытыгар сүбэлиибит.