Ыйыт-хоруйдуубут: иэспин хайдах төлүүбүнүй?
![](https://sakha-sire.ru/wp-content/uploads/2024/06/work-pen-macro-office-professional-business-819795-pxhere.com_-1060x596.jpg)
Күндү ааҕааччыларбыт! Бүгүн “Ыйыт-хоруйдуубут” балаһаҕа киирбит ыйытыыларга хоруйдары таһаарабыт.
Иэспин хайдах төлүүбүнүй?
– Быйыл сайын уоппускабар Казахстаҥҥа баран күүлэйдээн кэлээри гынабын. Тас дойдуга күүлэйдии барбыт киһи нолуокка иэстээх буоллаҕына харгыстары көрсөр дииллэр. Онон нолуокка иэспин хайдах төлөөн барабыный?
Н.Петрова
Ыйытыыга Арассыыйа ФНС СӨ управлениетын 1 №-дээх Өҥөнү оҥорууга отделын ыстаарсай судаарыстыбаннай нолуок иниспиэктэрэ Татьяна Маркова маннык хоруйдаата:
– Нолуок төлөөччү 24/7 эрэсииминэн Арассыыйа Федеральнай нолуок сулууспатын саайтыгар www.nalog.gov.ru “Личный кабинет налогоплательщика – физического лица” киирэн “Уплата налогов и пошлин” интерактивнай сервиһи уонна AppStore и GooglePlay хачайданар “Налоги ФЛ” мобильнай сыһыарыыны туһаныан сөп. Балар дойду ханнык баҕарар муннугар олорон иэскит сууматын билэргитигэр уонна төлүүргүтүгэр көмөлөһөллөр.
– Онлайн-төлөбүрү сэргэ нолуогу өссө хайдах төлүөххэ сөбүй?
– Маны тэҥэ иэскитин Арассыыйа ФНС бииргэ үлэлэһэр бааннарыгар уонна буоста салааларыгар төлүөххүтүн сөп.
Сообщить об опечатке
Текст, который будет отправлен нашим редакторам: