Ыйыт-хоруйдуубут: Куурусса аҕалан биэрэллэр дуо?

– Сураҕын иһиттэххэ, Майаҕа сымыыттыыр кууруссаны аҕалтарыыга сайаапка хомуйаллар дииллэр. Кимнээх хомуйалларый? Сыаната төһө буолуой?

Чүүйэ.

Ыйытыыга Мэҥэ Хаҥалас улууһун Майа олох­тоох дьаһалтатын тыа хаһаайыстыбатыгар исписэлииһэ Марианна Федотова маннык хоруйдаата:

– Майа олохтоох дьаһалтата сыл аайы “Дьокуускайдааҕы  көтөрү иитэр баабырыкаттан” сымыыттыыр кууруссалары аҕалан тарҕатар. Ол курдук, сайаапканан 700-900 кууруссаны аҕалар этибит. Быйыл 1 төбө куурусса сыаната – 500 солкуобай. Сайаапканы нэһилиэнньэттэн ыам ыйын 6 күнүттэн саҕалаан 20 күнүгэр диэри хомуйуохпут. Онтон хомуйбут сайаапкабытын куоракка ыытыахпыт. Ол кэннэ бастакы паром сырыыларыгар сөп түбэһиннэрэн аҕалан дьоммутугар түҥэтиэхпит.