Ыкка ытыттарбыт оҕоҕо төлөбүр көрүллэр буолбут

Сокуоннай сааһын туола илик оҕо ийэтэ, оҕо быраабын көмүскүүллэригэр суруйбут суругунан Кэбээйи улууһун борокуратуурата бэрэбиэркэ ыыппыт.

Сангаар бөһүөлэгин оскуолатын аттыгар 15 саастаах уол оҕону ыт ытырбыт. Бу ыт хаһаайына биллэр эрээри, куттала суох күүлэйдэтиини хааччыйбатах.

Ол түмүгэр уол ыарыыттан өй-санаа, эт-хаан өттүнэн эрэйдэммит, улаханнык куттаммыт.

Онон сибээстээн, суут борокуруор ирдэбилинэн, оҕо туһатыгар ыт хаһаайыныттан 35 тыһ. солк. кээмэйдээх моральнай эчэйии иһин (моральный вред) төлөбүрү ылбыт.

Суут быһаарыыта сокуоннай күүһүгэр киирэ илик.