Рейдэ кэмигэр эрдэҕэс саастаах 12 уолу полиция үлэһиттэрэ туттулар

ИДьМ пресс-сулууспата иһитиннэрбитинэн, Дьокуускайга «Ночной дозор» диэн суһал-сэрэтэр рейдэ ыытылынна. 

Рейдэ кэмигэр   сокуоннай сааһын ситэ илик 24 оҕо төрөппүтэ суох түүннэри киинэ тыйаатырдарынан, түүҥҥү кулууптарынан, көмпүүтэринэй кулууптарынан, кафеларынан сылдьыбыттара билиннэ. Бу оҕолортон 12 оҕону полиция салаатыгар илдьибиттэр. Маны сэргэ, Орджоникидзе уулуссатыгар баар кулуупка арыгы иһэн баран сылдьар түөрт уолу туппуттар. Оҕону иитиигэ эппиэтинэһэ суох төрөппүттэри РФ административнай быраабы кэһии кодексатын 5.35 ыст. административнай эппиэтинэскэ тардыбыттар. Оҕолору уонна төрөппүттэри кытта сэрэтэр бэсиэдэ ыытыллыбыт.