Хаартыска: ааптар тиксэриитэ
Ыам ыйын 1 күнүгэр Таатта Харбалааҕар сынньалаҥ пааркатын эргэ күрүөтүн көтүрэн ыраастааһыҥҥа субуотуннук тэрилиннэ.
Субуотунньукка урукку сэбиэскэй кэми санатар көхтөөх үлэ ньиргийдэ. Нэһилиэк сүүһүнэн олохтооҕо тахсан, Эйэ, Үлэ, Маай бырааһынньыгын таһаарыылаах үлэнэн бэлиэтээтэ.
Олохтоох дьаһалта үлэһиттэрэ миин буһаран, үрдүттэн сылаас аһы тэрийэн, силигин ситэрдилэр. «Кэскил» уһуйаан үлэһиттэрэ 100 бырыһыан кытыннылар. Үгэс курдук, «Төлөн» ААО үлэһиттэрэ, тиэхиньикэтэ күргүөмнээх үлэ төһүү күүһүнэн буоллулар. Бэтэрээннэр да туора турбатылар, сүбэ-ама буолан, тэбис-тэҥҥэ сырыттылар, үлэлээтилэр.
Ити курдук, ырыаҕа ылламмыт Харбалаах бөһүөлэгэ тутуллубута 60 сылын көрсө араас үрдүк таһымнаах тэрээһиннэр сомоҕолоһууну төрүттээн, тиһигин быспакка ыытылла тураллара олус кэрэхсэбиллээх.
Бу субуотунньукка Харбалаахтааҕы үөрэхтээһин холбоһугун элбэх үлэһитэ көхтөөх кыттыыны ылбыта хайҕаллаах, ХОК Камаһа, суоппар Степан Охотин бөх маһы таһыыга сүрүн күүһүнэн буолла.
Валентина Кривошапкина, Таатта, Харбалаах
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…
Амма улууһугар Аҕа дойду Улуу сэриитин уотун ортотунан ааспыт көлүөнэ дьон Сулуһа суох Дьоруойунан билинэр,…