Үлэ киһитэ Аграфена Сутакова 85 сааһын бэлиэтиир

Самаан сайын салаллыыта, бэс ыйын 7 күнүгэр, үлэни өрө туппут, үлэнэн дьолломмут, колхознай-совхознай тутул актыыбынай кыттыылааҕа, ыанньыксыт, Дьоруой ийэ, «Аҕа дойдуга үтүөлэрин иһин» IV истиэпэннээх  орден кавалера, СӨ тыатын хаһаайыстыбатын үтүөлээх үлэһитэ, СӨ тыатын хаһаайыстыбатын судаарыстыбаннай  бириэмийэтин лауреата, дьахталлар өрөспүүбүлүкэтээҕи VIII съезтэрин делегата, Саха Өрөспүүбүлүкэтин, Амма улууһун  уонна Алтан, Бөтүҥ нэһилиэктэрин бочуоттаах олохтооҕо, Саха сирин киэн туттуута, тарбахха баттанар, ытыктанар киһитэ Аграфена Егоровна Сутакова 85 сааһын туолла диэн Тыа хаһаайыстыбатын министиэристибэтэ иһитиннэрдэ.

⁣- Киһи, Үлэһит, Дьоруой ийэ быһыытынан эдэр көлүөнэни иитиигэ-үөрэтиигэ тус бэйэтин үлэтинэн, олоҕунан үтүө холобур буолар, үрүҥ илгэни үрүйэлии сүүрүгүрпүт туруу үлэһит киһиэхэ, үлэ бастыҥар сүгүрүйэн, махтанан туран баҕарабыт булгуруйбат дьулууру, тулууру! Эйигин кытары өрүү өрөгөйдөөх үтүө майгы, айар-тобулар хотуулаах хорсун санаа аргыстастын. Бу сандаархай сайыҥҥы дьоһун күн Эн бастыҥ иэйиигин уһугуннардын, инникигэ эрэлгин эптин, дьолу уонна этэҥҥэ буолууну бэлэхтээтин. Бар дьоҥҥун үөрдэ-көтүтэ уһуннук, дьоллоохтук олор!»,- диэн эҕэрдэ тылларын эттилэр.
Аграфена Егоровна олорбут олоҕун, сыралаах үлэтин кэпсиир-сырдатар «Бөтүҥнээҕи С.Я. Левин аатынан НАК» киинин иһинэн тэриллибит «Эйгэ» биирии 11 тахсыытын көрөргүтүгэр ыҥырабыт!

https://edersaas.ru/doruoj-ije-agrafena-sutakova-le-e-taptala-uostubat/