Саха Өрөспүүбүлүкэтин Ил Дархана Айсен Николаев “Үлэ киһитэ” бириэмийэни (300 тыһыынча суумалаах) сыл аайы эрэгийиэн 50 бастыҥ үлэһитигэр туттарар.
СӨ Үлэҕэ уонна социальнай сайдыыга миниистирэ Елена Волкова бэлиэтээн эппитинэн, бириэмийэҕэ Саха сиригэр олорор үлэһит дьон, сааһыттан уонна үлэтин ыстааһыттан тутулуга суох, кыттыахтарын сөп.
“Сүрүн ирдэбилинэн кинилэр үлэҕэ үрдүк ситиһиилэрэ уонна өрөспүүбүлүкэ социальнай-экэнэмиичэскэй сайдыытыгар тус кылааттара буолар. Бэйэлэрин бастыҥ үлэһиттэрин бас билии ханнык баҕарар көрүҥнээх үлэ кэлэктииптэрэ киллэриэхтэрин сөп”, — диэтэ Елена Волкова.
Докумуоннары кулун тутар 1 күнүгэр диэри сүрүннүүр министиэристибэҕэ эбэтэр биэдэмистибэҕэ ыыталлар. Орто уонна дьоҕус предпринимательстволар сайаапкаларын СӨ Предпринимательствоҕа, эргиэҥҥэ уонна туризмҥа министиэристибэтэ ылар.
Бириэмийэҕэ түһэриллээччилэри үс түһүмэҕинэн сүүмэрдииллэр.
Бастатан туран, үлэ кэлэктиибэ бэйэтин үлэһитин бириэмийэҕэ түһэрэригэр министиэристибэҕэ сайаапка киллэрэр. Онтон министиэристибэлэр эбэтэр биэдэмистибэлэр киирбит сайаапкалары үөрэтэллэр уонна бастыҥнары сүүмэрдииллэр. Бүтэһик үһүс түһүмэххэ СӨ бырабыыталыстыбатын иһинэн хамыыһыйа “Үлэ киһитэ” бириэмийэҕэ түһэриллибит сайаапкалартан кыайыылаахтары талар.
Ил Дархан бириэмийэни ыам ыйын 1 күнүгэр, Саас уонна үлэ бырааһынньыгар туттарыаҕа.
Быйылгыттан Дьокуускайга оптуобустан сибэккини атыылыыр бобуллар. Бу ирдэбили сааскы бырааһынньыктар кэмнэригэр анал мобильнай бөлөхтөр бэрэбиэркэлиэхтэрэ…
Саха сиригэр хантараагынан байыаннай сулууспаҕа сүүмэрдээһин салҕанар. Бүгүн, олунньу 6 күнүгэр, брифиҥҥэ Дьокуускайга хантараагынан байыаннай…
Нэһилиэнньэни кытта бииргэ үлэлээһин көдьүүстээхтик барарын хааччыйар уонна төһө кыалларынан элбэх олохтооҕу хабар инниттэн хамаанда…
Ааспыт сууккаҕа Саха сирин үрдүнэн биэс буруйу оҥоруу түбэлтэтэ тахсыбыт, баларга сөптөөх бэрэбиэркэ ыытылларын туһунан…
Киһи доруобуйата хайдаҕын тиис туоһулуур. Ол курдук бөҕө-таҕа, маҥан тиис үгүс киһи баҕа санаата. Ол…
Бу нэдиэлэҕэ үп-харчы эйгэтигэр сулустар икки өрүттээх дьайыыны оҥоруохтара. Биир өттүттэн, күүстээх Меркурий чуолкай былааннары,…