Үлэ сылыгар анаммыт пуорумҥа урбаанньыттар кыттыыны ыллылар (ВИДЕО)

 «Человек труда – новые вызовы и возможности»»  диэн икки күннээх Гражданскай пуорум олоххо көхтөөх уопсастыбанньык дьону түмтэ.

Бу тэрээһин быйылгы Үлэ сылыгар ананна. Пуорум бастакы күнүгэр  биэс былаһаакка үлэлээтэ. Онтон биирдэстэрэ — «Саха сиригэр оҥоһулунна» былаһаакка.

Манна «Саха сирэ» хаһыат дьоруойа,  «Бэйэ аһа» тэрилтэ бэлэм ас  бородууксуйатын оҥорон таһаарар Алексей Герасимов кыттыыны ылла. Тэрээһин туһунан урбаанньыт санаатын бу курдук үллэһиннэ.

Алексей Герасимов бу күннэргэ бурдук ас сонун көрүҥүн астаан эрэрин туһунан иһитиннэрдэ.

Ити курдук, «Саха сиригэр оҥоһулунна» былаһааккаҕа бэйэ бородууксуйатын, табаарын оҥорон таһаарар дьон санааларын үллэстэн, бэйэ-бэйэлэрин кытта ыкса билсэн, өссө да үгүс саҥа сүүрээни олоххо киллэрэр санаалаах тарҕастылар.