Ааспыт сыл бүтүүтэ Ил Дархан 2023 сылы Үлэ сылынан биллэрбитэ. Бу күннэргэ сыл бэлиэтэ бигэргэннэ. Үлэ министиэристибэтэ сыл бэлиэтин айарга күрэһи биллэрбитэ.
Куонкуруска 80 логотип бырайыага киирбит, онтон бастыҥынан Матвей Новиков диэн ааттаах кыттааччы үлэтэ буолла. Саха сирин Бырабыыталыстыбатын бэрэссэдээтэлин солбуйааччы Ольга Балабкина Үлэ сылын бэлиэтэ Саха сирин үгэстэригэр уонна национальнай уобарастарыгар олоҕурар диэн бэлиэтээтэ.
Логотип төгүрүмтэ көрүҥнээх – быстыбат ситим, күн, күүс, көмүскэл суолталаах. Төгүрүмтэ сахалыы «кымырдаҕас ойуу» дьарҕаанан ойууламмыт. Кымырдаҕас элбэх норуокка үлэһит буолууну, түмсэ түһэн үлэни кыайарга хоһуйуллар харамай буолар.
Ойуу киинигэр дьон-аймах турар – өрөспүүбүлүкэбүт сүрүн баайа, күүһэ, киэн туттуута. Кинилэр илиилэриттэн тутуһан тураллар – сомоҕолоһуу, бииргэ тутуһан тыйыс айылҕалаах сирбитигэр үлэлээн-хамнаан олорорбут бэлиэтэ.
Бэлиэ үрдүн ураһа оройдуур – өрөспүүбүлүкэбит барыбытыгар биир алаһа дьиэ буоларын көрдөрөр. Анныгар тиистээх көлөһө – үлэ, сайдыы, иннин диэки дьулуһуу, тиэхиньикэ уонна билим күүһүн бэлиэтэ.
Логотип ойууламмыт дьүһүннэрэ от күөх алаастары, халлаан күөх толору өрүстэри хоһуйаллар.
«Саха сиригэр баар норуот үгэстэрин уонна аныгы кэми ситимниир Үлэ сылын бэлиэтэ бу сыл ыытыллар тэрээһиннэргэ, хамсааһыннарга туһаныллыаҕа», — диэн эттэ Ольга Балабкина.
ИДьМ Алдан оройуонунааҕы салаатын Госавтоинипсиэксийэ отделын үлэһиттэрэ урут сууттана сылдьыбыт 35 саастаах эр киһи сымыйа…
Арассыыйа бэрэсидьиэнэ Владимир Путин "Илиҥҥи экэнэмиичэскэй пуорум-2025" түмүгүнэн кэккэ сорудахтар испииһэктэрин бигэргэттэ. Испииһэккэ сэдэх металлары…
Дьокуускайга «Норуот уонна аармыйа — биир сомоҕо» III өрөспүүбүлүкэтээҕи фашизмы утары пуорум чэрчитинэн байыаннай-бэлитиичэскэй үлэҕэ Илиҥҥи…
СӨ Силиэстийэлиир кэмитиэтин Ленскэй оройуонунааҕы салаата хомуйбут дакаастабыла 30 саастаах, эрдэ хас да төгүл сууттана…
Абый улууһугар сеймсологическай түгэн буолбутун туһунан Дьокуускайдааҕы филиалга “Билим Арассыыйатааҕы академиятын единэй геофизическэй сулууспата” киин…
Өрөспүүбүлүкэ икки сэлиэнньэтигэр саҥа култуурунай-спортивнай комплекстар аһылыннылар. Бу туһунан Ил Дархан Айсен Николаев МАКС-сыһыарыыга ханаалыгар…