СӨ Үлэҕэ министиэристибэтэ байыаннай чаастарга ыҥырыллыбыт дьон туһунан дааннайдары хомуйууну түмүктээтэ. Бу туһунан билигин Бурятияҕа байыаннай чааска тиийэн үлэлии сылдьар үлэҕэ уонна социальнай сайдыыга миниистирин солбуйааччы Афанасий Постников иһитиннэрдэ.
Санатан эттэххэ, Ил Дархан Айсен Николаев СӨ Үлэҕэ министиэристибэтин үлэһиттэрэ байыаннай чаастарга тиийэн, Саха сириттэн быстах хомуурга ыҥырыллыбыт дьон дааннайдарын хомуйуунан дьарыктаналларыгар сорудахтаабыта. Бу туһунан алтынньы 21 күнүгэр ыытыллыбыт брифиҥҥэ СӨ Бырабыыталыстыбатын бэрэссэдээтэлин солбуйааччы Ольга Балабкина иһитиннэрбитэ.
Быстах хомуурга хапсан, хантараак түһэрсэн анал байыаннай эппэрээссийэҕэ барбыт биир дойдулаахтарбыт дьиэ кэргэннэрэ “Мин докумуоннарым” элбэх хайысхалаах кииҥҥэ сайаапка түһэрэн, биир кэмнээх көмө үбү ылар бырааптаахтар. Ыҥырыллыбыт киһи байыаннай чааска тиийэн, учуокка тура охсуохтаах. Ол иһин, ону, төһө кыалларынан, түргэнник бигэргэтэн, дааннайдары ыыта охсор сыалтан, үлэҕэ уонна социальнай сайдыыга миниистирин солбуйааччы Афанасий Постников тус бэйэтэ кэккэ байыаннай чаастары кэрийэн байыаннайдар туох кыһалҕалаахтарын билсибит.
Байыаннай сулууспаҕа ыҥырыллыбыттары өйүүр сыаллаах Ил Дархан ыйааҕа «О мерах поддержки семей военных » балаҕан ыйын 25 күнүгэр тахсыбыта. Онно сэттэ өйөбүл миэрэтэ көрүллүбүтэ. Ол иһигэр, биир кэмнээх көмө быһыытынан 200 тыһыынча солкуобай байыаннай сулууспалаахтар дьиэ кэргэттэригэр, оҕолорун оскуолаларга босхо итии аһылыгынан хааччыйыы, оҕо уһуйааннарыгар төлөбүртэн босхолооһун, устудьуоннарга эбии истипиэндьийэ көрүүтэ киирбиттэрэ. Билигин социальнай көмө 11 көрүҥэ үлэлиир.
Бүгүн, ыам ыйын 7 күнүгэр, дойду биир сүрүн событиета – Кириэмил Улахан дыбарыаһыгар Владимир Путин…
Тулаайах уонна төрөппүт көрүүтэ суох хаалбыт оҕолору дьиэнэн хааччыйыы бырагыраама өрөспүүбүлүкэҕэ үлэлээбитэ быданнаата. Тутуу министиэристибэтэ…
Бүгүн Араадьыйа күнүнэн "Тэтим" араадьыйатын үлэһиттэрэ эҕэрдэ арааһын, истиҥ санаа бастыҥын истэр, алгыс ылан, санаалыын…
Национальнай бибилэтиэкэҕэ ыам ыйын 8 күнүттэн «Они показали войну без прикрас. 100 лет - писателям-фронтовикам»…
Өрөспүүбүлүкэ сиригэр-уотугар баһаартан кутталлаах кэм биллэрилиннэ. Туһааннаах уураахха өрөспүүбүлүкэ бастакы вице-бэрэсидьиэнэ Дмитрий Садовников илии баттаата.…
Бүгүн, муус устар 7 күнүгэр, РФ бэрэсидьиэнэ Владимир Путин кулун тутардааҕы быыбар кэнниттэн дойду бэрэсидьиэнин…