Салгыы
Үҥкүү тыйаатыра: оруобуна отут сыл анараа өттүгэр…

Үҥкүү тыйаатыра: оруобуна отут сыл анараа өттүгэр…

Ааптар:
27.04.2023, 12:51
Хаартысканы ааптар тиксэрдэ
Бөлөххө киир:

Отут сыл анараа өттүгэр, бу күн, оччолорго Улан-Удэ Илин Сибиирдээҕи култуура институтун оркестр салаатыгар студиятын бүтэрээри сылдьар саха ыччата Үҥкүү тыйаатырын иһинэн бастакы айар кэнсиэрэ ситиһиилээхтик ааспыта.

Оччолорго Култуура уонна техника дыбарыаһын сыанатыгар Н.Петров салайыытынан оонньообут институт студеннара: А.Томскай, В.Ноенохов, Е.Федотов, М.Фомина (Слепцова), А.Габышева, В.Эверстов, П. Павлов уонна С.Татаринова (Оконешникова), ону таһынан эбии ыҥырыллыбыт: Б.Романов, А.Егоров, Е.Ноева, А.Томская (Корякина), И.Банчин аан бастакытын көрөөччү иннигэр дохсун ытыс тыаһынан биһирэммиттэрэ. Кэнсиэркэ В.Ксенофонтов «Ыһыах» сюитата, А. Моргусов «Таба күрэҕэ», Е.Неустроев «Кыталыгы харыстааҥ», В.Протодьяконов «Ньургуһуннар» о.д.а. айымньылар оонньоммуттара.

Ити күн Сэргэй Зверев-Кыыл Уолун аатынан Үҥкүү национальнай тыйаатырын норуот үнүстүрүмүөннэригэр оркестр төрүттэммит күнүнэн ааҕыллар. Отут сыл устата оркестр саха төрүт дорҕоонун, муусукатын норуот кутугар-сүрүгэр иҥэрэн, искусство чыпчаалыгар — операҕа тиийэ далааһыннаахтык үлэлээн кэллэ. Оркестр саха композитордарын айымньыларын киэҥ түһүлгэҕэ таһааран, норуот духуобунай баайын чочуйда. Бу айар кэлэктиип уус-уран салайааччыта, кылаабынай дирижера Николай Павлович Петров оркестр сомоҕо күүс, айар түһүлгэ буоларын ситистэ. Айар кэлэктиип аан дойду улахан түһүлгэлэригэр, бэстибээллэригэр ситиһиилээхтик кыттан, Саха сирин дорҕоонноохтук ааттатта, тыа сирин уус-уран самодеятельноһа ,култуурата саҥа таһымҥа тахсарыгар бигэ акылаат уурда. Оркестр ситиһиитигэр Сэргэй Зверев-Кыыл Уола аатынан Үҥкүү национальнай тыйаатырын айар бөлөҕө, дириэктэр Александр Алексеев оруоллара улахан. Соторутааҕыта, оркестр 30 сылынан, кэлэктиип сүрүн састааба Бурятияҕа, үөрэммит институтугар, преподавателлэрин кытта көрсөн, айар үлэтин отчуоттаан кэллэ. Институт салалтата выпускниктар дэгиттэр таһымнаах идэтийбит муусукаан, Валентина Колесова музыковед быһыытынан таһымын киэн туттан бэлиэтээтэ. Саха оркестра сылтан сыл репертуарын кэҥэтэн, саҥа үрдэли дабайар. Саха сирин мусукаалынай култуурата, искусствота сайдыытыгар дьоһун кылаатын киллэрсэр.

Бу бэлиэ күн норуот үнүстүрүмүөннэригэр идэтийбит оркестр улахан кэлэктиибин итиитик-истиҥник эҕэрдэлиибит! Салгыы даҕаны норуот өйүн-санаатын, кутун-сүрүн бөҕөргөтөн, саха төрүт дорҕоонун, мусукаалынай искусствотын байытыыга айымньылаах үлэни, чэгиэн туругу, саҥа ситиһиилэри баҕарабыт!

Альбина Тарабукина

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
16 июля
  • 21°C
  • Ощущается: 21°Влажность: 73% Скорость ветра: 3 м/с

Сообщить об опечатке

Текст, который будет отправлен нашим редакторам: