Арассыыйа норуоттарын култуурунай нэһилиэстибэтин сылын иитинэн, бэҕэһээ Красноярскайга норуот инструменнарыгар идэтийбит национальнай аркыастырдар бэстибээллэрэ үөрүүлээхтик аһылынна.
Бэстибээлгэ Тыва, Башкортостан, Бурятия, Хакасия идэлээх кэлэктииптэрин сэргэ, Сергей Зверев-Кыыл Уола аатынан Үҥкүү национальнай тыйаатырын норуот инструменнарын аркыастыра кыттар. Үөрүүлээх тэрээһин аһыллыытыгар, бэҕэһээ оркестыр уус-уран салайааччыта, кылаабынай дирижер, СӨ искусствотын үтүөлээх диэйэтэлэ, бу күннэргэ Арассыыйа култууратын үтүөлээх үлэһитэ буолбут Николай Петров, Анна Томская салайар «Кыл Саха» уонна Красноярскай кыраайдааҕы Анатолий Бардин аатынан филармоническай нуучча аркыастырын доҕуһуолунан, СӨ үтүөлээх артыыһа Прокопий Неустроев толоруутугар «Һай!» саха ырыатын төрүт матыыбын салайан оонньотто.
Маны сэргэ, Николай Петров, композитор быһыытынан ‘»Бэрт Хара» олоҥхоҕо дьүһүйүүтүн, бэстибээл ыалдьыттара дохсун ытыс тыаһынан астына биһирээтилэр. «Арассыыйаҕа биллэр Красноярскайдааҕы бөдөҥ кэлэктиип биһиги сахабыт матыыбын доҕуһуоллаабыта — ураты ситиһии»— диэн, Үҥкүү национальнай тыйаатырын дириэктэрэ Александр Алексеев бэлиэтиир.
Бүгүн национальнай аркыастыр саха төрүт дорҕоонун алыптаах матыыбын Красноярскай, сарсын Минусинскай куорат олохтоохторун дьүүлүгэр таһаарыаҕа. Бэстибээл быыстапкатыгар Горнайтан Петр Пахомов туруорбут саха норуотун муусукаҕа инструменнара улахан сэҥээриини ыллылар.
«Маннык тэрээһин Арассыыйа норуоттарын искусствотын сайыннарыыга, духуобунай нэһилиэстибэни үйэтитиигэ бигэ акылаат», — диэн бэстибээл тэрийээччитэ, Красноярскай кыраай филармониятын генеральнай дириэктэрэ Евгений Стодушнай бэлиэтиир.
Альбина Тарабукина, Красноярскай
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…