Сэтинньигэ Булуҥ улууһун Күһүүр бөһүөлэгэр быраас саҥа амбулаторията аанын арыйара күүтүллэр.
Доруобуйа харыстабылын бастакы сүһүөх звенотун модернизациялааһын бырагырааматын чэрчитинэн улуус атын да эмтиир тэрилтэлэрэ сыыйа-баайа саҥардыллаллар.
Ол туһунан:
— Быйыл тохсунньуга Быков Мыс бөһүөлэккэ биэлсэр-акушер пууна үлэҕэ киллэриллибитэ. Тиксиигэ үс мэндиэмэннээх сытар балыыһа өрөмүөннэнэ турар, быйыл сыл бүтүүтэ түмүктэниэхтээх. Ону таһынан оройуоннааҕы поликлиникаҕа эмиэ өрөмүөн үлэлэрэ ыытыллаллара былааннанар. Онон, оройуоммут мэдиссиинэтэ уруккуттан наадыйар эбийиэктэрэ олоххо киирэр кыахтаннылар, — диэн Булуҥ улууһун Оройуоннааҕы киин балыыһатын кылаабынай бырааһа Алла Андреева иһитиннэрдэ.
Улууска саҥа тутуулары сэргэ, эмтиир-сэрэтэр тэрилтэлэргэ тиэхиньиичэскэй сэбилээһин ыытыллар. “Доруобуйа харыстабыла” национальнай бырайыак чэрчитинэн улуус ылбыт 3 санитарнай массыыната “Суһал көмө” улуустааҕы сулууспатыгар уонна Күһүүр, Тикси-3 мэдиссиинискэй тэрилтэлэригэр бэриллибитэ.
— Бүтэһик бэриллибит тэриллэртэн биирдэстэринэн көһө сылдьар флюро-тэрил буолар. Бу тэрили биһиги эмчиттэрбит ыраах сытар нэһилиэктэр олохтоохторун доруобуйаларын туругун бэрэбиэркэлии баралларыгар илдьэ сылдьыахтара. Ону таһынан электрокардиографтар, УЗИ аппарааттара уо.д.а. олус көмөлөөхтөр. Аны кыһыҥҥы суолунан аҕалыллыахтаах, 2 үлэлиир миэстэлээх рентген-аппарааты күүтэбит. Бу – кэнники сылларга ылбыт тэриллэрбит сорохторо эрэ. “Доруобуйа харыстабыла” бырайыагынан ылар тэриллэрбит мэдиссиинискэй көмө хаачыстыбатын тупсарарга эрэ буолбакка, нэһилиэнньэ туһанарыгар табыгастаах буоларыгар көмөлөһөллөр, — диэн Алла Андреева кэпсээтэ.
Массыына нүөмэригэр Арассыыйа былааҕын бэлиэтин булгуччулаах оҥоруохтара. Маннык саҥа уларыйыыны киллэрэргэ ИДьМ Суолга куттала суох…
Бүгүн, ыам ыйын 8 күнүгэр, Саха сиригэр успуорт уонна физическай култуура сайдыытыгар сүҥкэн кылааты киллэрбит…
Бүгүн, ыам ыйын 8 күнүгэр, биллиилээх судаарыстыбаннай уонна уопсастыбаннай диэйэтэл, Саха Сирин успуордун устуоруйатыгар күргүөмнээх…
Дойду бырабыыталыстыбата уонна бэрэсидьиэн дьаһалтата оптуорунньукка, ыам ыйын 7 күнүгэр, Арассыыйа Бэрэсидьиэнэ Владимир Путин инаугурациятын…
Бүгүн, ыам ыйын 8 күнүгэр, күн-дьыл туруга хайдаҕый? Дьокуускайдааҕы гидрометеорологическай сулууспа тугу иһитиннэрэрий? Халыма-Индигиир улуустарыгар…
Бүгүн Бэрэсидьиэн Владимир Путин алта сыллаах болдьоххо дуоһунаһыгар киирэр сиэрэ-туома буолла. Кини норуотун иннигэр андаҕар…