Тохсунньу 14 күнүгэр «Үрдэл» паарка эрэстэрээнэ биир күн иккитэ төхтүрүйэн умайбытын туһунан суруйан турабыт.
Бу күннэргэ умайыы туохтан тахсыбытын бастакы баһаар кэмигэр кэтээн көрөр камералар устууларын көмөлөрүнэн быһаардылар диэн Ыксаллаах быһыыга-майгыга министиэристибэтин Саха сиринээҕи салаатын пресс-сулууспата иһитиннэрдэ.
Баһаар барбыт биричиинэтин туһунан ЫБММ Саха сиринээҕи салаатын ыстаарсай дознавателэ Базаржап Рабжиров кэпсээтэ. Кини кэпсээбитинэн, тохсунньу 14 күнүгэр «Үрдэл» пааркаҕа сарсыарда тахсыбыт баһаар биричиинэтин кэтээн көрөр камераларынан быһаарбыттар. «Батарыайанан үлэлиир «дьиҥнээх төлөнү» үтүгүннэрэн оҥоһуллубут Саҥа дьыллааҕы киэргэл светодиоднай чүмэчи остуолга туран кыым саҕан умайан тахсыбыт. Видеоҕа көстөрүнэн, биир оннук чүмэчи умуллан хаалбыт (дьиҥэр холбоно сылдьыбыт), ону үлэһиттэр аахайбакка, эрэстэрээни хомуйан, сабан барбыттар», – диэн Базаржап Рабжиров кэпсиир.
Ол туран чүмэчи бэйэтэ холбонон, үлэлээн барбыт. Салгыы уот саҕан, төлөнүрэн, умайан эрэстэрээҥҥэ бүтүннүү тарҕаммыт. Ол эрээри бу бастакы түгэн кэнниттэн баһаарынайдар тута кэлэннэр, эрэстэрээн быыһаммыт курдук буолбута. Аны киэһэриитэ уот иккиһин күөдьүйэн тугу да ордорбокко бүтүннүү сиэбитэ.
Дознаватель этэринэн, баһаар хатыланыытын биричиинэтэ быһаарылла сылдьар, ол гынан баран төрүөтүнэн эмиэ итиннэ маарынныыр түгэн буолуон сөп. Бэрэбиэркэ өссө да барар. Базаржап Рабжиров кини үлэлиирин тухары аан маҥнайгытын, маннык улахан баһаар киэргэл чүмэчиттэн барбытын бэлиэтиир.
Бүгүн, Улуу Кыайыы 79 сылын көрсө, «Кыайыы Знамята» аахсыйа чэрчитинэн Наталия Яцышина салайааччылаах Уус-Ньаратааҕы гимназист-волонтердар…
Саха сиригэр эдэр табаһыттар дьиэ тутталларыгар эбэтэр дьиэ атыылаһалларыгар 2 мөл. солк. диэри төлөбүр кээмэйин…
Саха сирин сүүмэрдэммит хамаандатын дзюдоистара Уһук Илин чөмпүйэнээтигэр икки кыһыл көмүс мэтээли ылары ситистилэр. Алина…
Арассыыйаҕа Дьиэ кэргэн уонна Саха сиригэр Оҕо саас сыла Ньурбаҕа бэлиэ түгэнинэн саҕаланна. Ыам ыйын…
Дьокуускайдааҕы кадеттар интэринээт-оскуолатын дириэктэрэ Алексей Корякин патриотизм туһунан санаатын үллэһиннэ. “Патриотизм төрөөбүт дойдуга, дьиэ кэргэҥҥэ…
“Улуу Арыйыылар аартыктарынан” («По пути Великих свершений») бырайыак чэрчитинэн Нуучча Географиятын уопсастыбатын (РГО) Саха сиринээҕи…