Үрдүк кылаастаах ойуур баһаардарыттан сэрэтэллэр
08.07.2024, 18:52
Хаартыска sakha.gov.ru ылылынна
Бөлөххө киир:
СӨ ЫБММ пресс-сулууспата үрдүк кылаастаах ойуур баһаара үс улууска туруон сөп диэн сэрэтэллэр. От ыйын 8-9 күннэригэр IV кылаастаах ойуур баһаара турар куттала Кэбээйи улууһугар, от ыйын 9-11 күннэригэр Алдан оройуонугар — V, Нерюнгри улууһугар IV кылаастаах ойуур баһаардара суоһуулар.
Өрөспүүбүлүкэ бары сиригэр-уотугар федеральнай таһымнаах ыксаллаах быһыы-майгы эрэсиимэ биллэриллибитэ, баһаары утары эрэсиим салҕанар. Бу кэмҥэ ойуурга сылдьыы хааччахтанар, ону сэргэ кутааны оттор, оту, бөҕү уматар бобуллар.
От ыйын 8 күнүгэр сарсыардааҥы иһитиннэриинэн Нам улууһугар сорох сирдэринэн Хаҥалас, Уус Алдан, Чурапчы, Таатта, Уус Маайа улуустарыгар, Өлүөхүмэ соҕуруу өттүгэр, Томпоҕо, Абыйга үрдүк кылаастаах ойуур баһаара суоһуур куттала баар.
РФ ЫБММ Саха сиринээҕи управлениетын пресс-сулууспата
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: