Өрөспүүбүлүкэ үрдүк таһымнаах психологтара Муома уонна Булуҥ улуустарыгар үлэлииллэр.
Мантан инньэ Ленскэй уонна Томпо улуустарыгар анал байыаннай эпэрээссийэ кыттыылаахтарын, сулууспалаан кэлбиттэри уонна кинилэр дьиэ кэргэттэрин, чугас дьоннорун кытары үлэлии бараллара былааннанар. Бу туһунан Психология өрөспүүбүлүкэтээҕи киинин дириэктэрэ Владимир Скрябин брифиҥҥэ иһитиннэрдэ. Уйулҕа көмөтүн киэҥ сиринэн ыытыы уонна көмө хаачыстыбатын тупсарыы өрөспүүбүлүкэ араас тэрилтэлэригэр үлэлиир психологтары кытыннарыы көмөтүнэн ситиһиллэр.
«Биһиги кииммит салаалара уонна үрдүк таһымнаах психологтара суох улуустарга үлэни тэрийдибит”, — диэтэ Владимир Скрябин. Санатан эттэххэ, Киин исписэлиистэрэ бу иннинэ Абый уонна Усуйаана улуустарыгар тиийэ сылдьыбыттара.
Уйулҕа үөрэхтээхтэрин өйөбүллэригэр наадыйааччылар өрөспүүбүлүкэтээҕи быһа сибээс 8-800-100-35-50 нүөмэригэр эрийэн (суукканы быһа үлэлиир, кимҥин, ааккын-суолгун эппэккэ) билсиэхтэрин уонна 8 (4112) 31-91-09 нүөмэргэ суруйтаран сүбэ-ама ылыахтарын, Киин отделларын нүөмэрдэрин билиэхтэрин сөп.
В.Г. Белинскэй аатынан Кыраайы үөрэтэр бибилэтиэкэ бэйэтин ааҕааччыларын айылҕаттан айдарыылаах айар куттаах дьону кытта сотору-сотору…
2025 сыл түмүгүнэн Алмазэргиэнбаан дойду үп ырыынагар бигэ тирэхтэннэ уонна Арассыыйа топ-100 баанын иһигэр киирдэ.…
Саҥа сылы көрсө бүгүн, ахсынньы 19 күнүгэр, Ил Дархан Айсен Николаев РФ уонна Саха Өрөспүүбүлүкэтин…
Бэйэлэрин кыайан туттуммат дьоҥҥо Госдума маннык сокуону ылынна. Азартаах оонньуулартан босхолонуон баҕарар киһи бэйэтигэр бобууну…
Быйыл Саха сирин оскуолаларыгар мэдиссиинэ хосторун үлэлэрин сөргүттүлэр. Маннык үлэни саҕалыырга Ил Дархан Анал этиитэ…
Кытыйа, хамыйах арааһын билэҕин дуо? Маны көр. Кытыйа арааһа Кытыйа - миискэ курдук дьоҕус мас…