Хаартыска sakha.gov.ru ылылынна
СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов Газпромбаан вице-бэрэсидьиэнин, «Үрдүк технологиялаах мэдиссиинэ көмөтө» пуонда сэбиэтин бэрэссэдээтэлин Сергей Фурсенконы кытта Петербурга норуоттар икки ардыларынааҕы гаас пуорумун иитинэн көрүстэ.
Көрсүһүү кэмигэр байыаннай дьайыы сириттэн-уотуттан кэлбит сүһүөхтэригэр, хаамалларыгар-сиимэллэригэр харгыстаммыт Саха сирин байыастарын эмтииргэ, чэбдигирдиигэ, социальнай адаптацияланыыларыгар көмөлөһүү боппуруостарын дьүүллэстилэр. Дьулустаан Борисов бу өрөспүүбүлүкэҕэ биир улахан суолталаах боппуруос буоларын эттэ.
«Байыастары эминэн-томунан эрэ буолбакка, кинилэр тус олохторугар уонна сайдалларыгар усулуобуйаны тэрийэр олус наадалаах. Бу соругу «үрдүк технологиялаах мэдиссиинэ көмөтө» пуонданы кытта олоххо көхтөөхтүк киллэриэхпит«, — диэн бэлиэтиир Дьулустаан Борисов.
«Дойдуларын көмүскүү сылдьаннар бааһырбыт байыастарга, Аҕа дойдуну көмүскээччилэргэ, Саха сирин дьоруойдарыгар биһиги көмөлөһөр ытык иэспит» , — диэн бэлиэтиир Сергей Фурсенко.
«Үрдүк технологиялаах мэдиссиинэ көмөтө» үтүө санаа пуондата эмтэниини уонна чэбдигириини кэтээн көрөр, аадырыстаах көмөнү оҥорор.
СӨ Ил Дарханын уонна Бырабыыталыстыбатын пресс-сулууспата
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…