ЫРЫСЫАП: Бэс туорахтаах эт

В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ учуутала‑2013” күөн күрэс кыайыылааҕа Агафья Протопопова ырысыаба:

Туох ирдэнэр:

Эт (ханнык баҕарар эт барсар) — 300–400 г

Мүөт — 2 ост. ньуоска

Хартыыһа — 1,5 ст. ньуоска

Бэс туораҕа — 2–3 устуука

Туус, хара биэрэс.

Хайдах астыыбыт:

— Эти ууга буһарабыт уонна улахана суох куһуоктарга кырбыыбыт. Хобордооххо мүөт, хартыыһа кутан баран, кыра уокка булкуйа туран оргутабыт. Манна эппитин, бэс туораҕын кутабыт уонна уоппутун күүһүрдэн биэрэбит, булкуйарбытын умнубаппыт. Бүттэ. Түргэн, сайыны санатар бүлүүдэ бэлэм.