Айсен Николаев Ил Түмэҥҥэ туһаайбыт бэһис Анал этиитигэр дьиэ кэргэни өйүүр миэрэлэр өссө салҕаныахтара диэбитин үгүс дьон биһирии иһиттэ. Бу туһунан бэйэтин санаатын элбэх оҕолоох ийэ үллэстэр.
Александра Васильева, алта оҕолоох ийэ, Ньурба:
— Судаарыстыба дьиэ кэргэни өйүүрэ наһаа үчүгэй. Оҕо төрүөҕүттэн улаатыар диэри босуобуйа ылар. Саамай үчүгэйэ – босуобуйа баар буолан, ийэ оҕотун көрөн, 3, 7 сааһын туолуор диэри толору олорор кыахтаах. Оччотугар ийэ дьиэҕэ олорон, оҕолорун үчүгэйдик иитэр, көрөр-истэр, аһатар. Соччонон оҕо доруобай буолар, элбэхтик ыалдьыбат. Уһуйааҥҥа эрдэ барбыт оҕо наһаа ыалдьар, иммунитета мөлтүүр дии. Оттон ийэ үлэ, дьиэ икки ардыгар сүүрэ сылдьан эмиэ олус сылайар, оҕолоругар болҕомтото тиийбэт. Онон судаарыстыба үүнэр көлүөнэ доруобуйатын туһугар кыһаллар, иккиһинэн, кыаммат ыалларга көмөлөһөр, сайдар-үүнэр кыах биэрэр, үсүһүнэн, сахалары элбэтэргэ кылаатын киллэрэр.
М.Е. Николаев аатынан Национальнай мэдиссиинэ киинигэр быраастар сотору кэминэн өрөспүүбүлүкэбит мөлүйүөн ахсааннаах оҕото төрүөҕэ диэн күүтэллэр этэ. Ол дьоллоох оҕоҕо мөлүйүөнү биэрэллэрэ буолуо дии саныыбын.
Оттон биһиги дьиэ кэргэҥҥэ Саха АССР үбүлүөйдээх 100 сылыгар үс игирэ оҕо төрөөн, хас биирдиилэригэр “100 сыл оҕолоро” хапытаалы, ону тэҥэ, улууспут олохтообут, эмиэ 100-түү тыһыынчалаах “Ньурба хапытаалын” ылан, үөрүүбүт үс бүк үрдээтэ. Судаарыстыба көмөлөһөр диэн бигэ эрэллээх буолан, туохтан да куттаммакка, үс оҕобун этэҥҥэ төрөөтүм.
Бүгүн, ыам ыйын 7 күнүгэр, дойду биир сүрүн событиета – Кириэмил Улахан дыбарыаһыгар Владимир Путин…
Тулаайах уонна төрөппүт көрүүтэ суох хаалбыт оҕолору дьиэнэн хааччыйыы бырагыраама өрөспүүбүлүкэҕэ үлэлээбитэ быданнаата. Тутуу министиэристибэтэ…
Бүгүн Араадьыйа күнүнэн "Тэтим" араадьыйатын үлэһиттэрэ эҕэрдэ арааһын, истиҥ санаа бастыҥын истэр, алгыс ылан, санаалыын…
Национальнай бибилэтиэкэҕэ ыам ыйын 8 күнүттэн «Они показали войну без прикрас. 100 лет - писателям-фронтовикам»…
Өрөспүүбүлүкэ сиригэр-уотугар баһаартан кутталлаах кэм биллэрилиннэ. Туһааннаах уураахха өрөспүүбүлүкэ бастакы вице-бэрэсидьиэнэ Дмитрий Садовников илии баттаата.…
Бүгүн, муус устар 7 күнүгэр, РФ бэрэсидьиэнэ Владимир Путин кулун тутардааҕы быыбар кэнниттэн дойду бэрэсидьиэнин…