Суут ону тэҥэ 2 сылга көҥүлүн быһарга хааччахтааһын быһыытынан эбии эбээһинэс уонна хааччахтааһын сүктэриилээх накаастабылы анаата.
Криминальнай дыраама Уһук Илин түөрт эрэгийиэнин территориятыгар буолбут. Суут быһаарбытынан, Хакасия Өрөспүүбүлүкэтин икки олохтооҕун буруйдаах бөлөх кыттааччылара 2020 сыллаахха Магадан уобалаһыттан Забайкальскай кыраай Чита куоратыгар көмүс таһарга наймыласпыттар. Ол кэмигэр кистэммит көмүс сорох чааһа массыына иһиттэн сүппүтэ биллибит. Бу төрүөтүнэн ыар буруйу оҥоруу быһылааннара тахсыбыт.
Сакаасчыттар ортолоругар биирдэстэрэ көмүһү уорууга суоппары уонна кини билэр киһитин уорбалаабыт. Хас да күн устата буруйдаахтар Забайкальскай кыраай, Амурскай уобалас уонна Саха сиринэн бу дьону массыынаҕа тиэйэ сылдьан көмүһү ирдээбиттэр. Халымаҕа биир киһини өлөрбүттэр уонна Өймөкөөн улууһун Уус Ньара бөһүөлэк аннынан Индигир өрүс алын тардыытыгар тимирдибиттэр.
Холуобунай дьыаланы суут дьүүлтэн биир буруйдаах омук судаарыстыбатыгар саһа сылдьар кэмигэр көрдө. Бириигэбэр сокуоннай күүһүгэр киирэ илик.
Буруйдаах бөлөх биэс кыттааччылара номнуо буруйданан, кытаанах эрэсиимнээх холуонньаҕа көҥүллэрэ быһыллыбыт. Өссө биир буруйданааччы силиэстийэттэн саһа сылдьарыттан көрдүүр-ирдиир үлэлэр салҕаналлар. Бу туһунан СӨ Борокуратууратын пресс-сулууспата суруйар.
Сообщить об опечатке
Текст, который будет отправлен нашим редакторам: