Ийэ сылыгар өрөспүүбүлүкэҕэ үс төгүл үс игирэ (тоҕус оҕо) төрөөтө. Үс игирэ төрөөһүнэ – бэрт сэдэх көстүү, үс бүк үөрүү уонна үс бүк эппиэтинэс!
Биллэрин курдук, үс игирэ төрөөтөҕүнэ, төрөппүттэригэр дьиэ атыылаһалларыгар өрөспүүбүлүкэ бырабыыталыстыбатыттан көмө оҥоһуллар. Соторутааҕыта бырабыыталыстыба мунньаҕар үс игирэлээх ыаллар дьиэ атыылаһалларыгар (тутталларыгар) аналлаах, биирдэ бэриллэр харчынан көмөнү биэрии быраабылаларын саҥардан биэрдилэр.
Ол курдук, бу төлөбүрү ыларга дьиэ кэргэн олорор усулуобуйаны тупсарыыга наадыйара-наадыйбата, уочаракка турара-турбата оруола суох буолуоҕа.
Ону тэҥэ, бу көмөнү ыларга сайабылыанньа суруйар да наадата суох буолла. Тустаах тэрилтэлэр бэйэ-бэйэлэригэр сибидиэнньэни бэрсэн, түргэнник уонна кэмигэр көмөнү оҥоруохтаахтар. Урут оҕолор 6 ыйдарын туолбуттарын кэннэ, сайабылыанньаны хойутаан биэрдэххэ, төлөбүр оҥоһуллубат диэн этэ. Билигин бу хааччахтааһын суох буолла.
Тохсунньуга Варвара, Клим Васильевтарга төрөөбүт Айхалы, Арылханы, Анеляны Перинатальнай киинтэн таһаарбыттара. Оҕолор 1,2-1,4 киилэлээх эрэ эрдэ төрөөн баран, балыыһаҕа сытан бороохтуйан, улаатан, 3-3,5 киилэ ыйааһыннанан дьиэлэригэр тахсыбыттара.
Атырдьах ыйыгар Үөһээ Бүлүүгэ Боескоровтар дьиэ кэргэттэригэр үс игирэ төрөөн, үөрүү-көтүү буолбута. Оҕолору Денна, Аркадий, Эльмира диэн ааттаабыттара.
Алтынньыга Ньурба улууһугар олорор Александра, Владимир Васильевтарга үс уол төрөөн, соҕотохто алта оҕолоно түспүттэрэ. Кырачааннары Сандал, Эрчим, Уйгун диэн ааттаабыттара.
Бу сыл ааспыт 10 ыйыгар өрөспүүбүлүкэҕэ 9558 оҕо: 4919 уол, 4639 кыыс төрөөбүтэ. Кинилэр бары “100 сыл оҕолоро” сэртипикээт 100 тыһыынча солкуобайын ылаллар.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…