Бу соторутааҕыта Дьокуускайга бэтэринээрнэй-чинчийэр лабораторияҕа хаһаайыннаах ыт хааныгар бүрүсүлүөс ыарыы баара биллибитэ.
СӨ Бэтэринээрийэҕэ департамена бу ыарыы көстүбүтүнэн харантыын биллэрбитэ. Ыты күүлэйдэтии, босхо ыытыы бобуллубута. Билигин өрөспүүбүлүкэ үрдүнэн бэйдиэ ыт ахсаана эмиэ элбээн, биир кэлим диспиэтчэрскэй сулууспа төлөпүөнэ оргуйан олорор. «Бүрүсүлүөс киһиэхэ сыстыан сөп дуо? Арай бу бэйдиэ сылдьар ыттар быыстарыгар бүрүсүлүөстээбит ыт баар буоллун?» — диэн ыйытыы үгүс.
СӨ Бэтэринээрийэҕэ департаменын салайааччы Петр Петров бу боппуруоска санаатын үллэһиннэ:
— Ыт бүрүсүлүөһэ сыстыганнаах уонна олус түргэнник тарҕанар ыарыы. Бу ыарыыга ыт боруодатыттан тутулуга суох сыстар. Ыарыы биллибэккэ сылдьыбыт түгэнэ уһун уонна элбэх буолар. Маннык олохсуйбут ыарыыны хайаан даҕаны үчүгэйдик сыныйан үөрэтэн, төрүөтүн билэн, ыарыыны түргэнник бохсор наадалааҕын бэлиэтиэм этэ. Киһиэхэ ордук сүөһү бүрүсүлүөһэ сыстар. Киһи сүөһүттэн бүрүсүлүөскэ ситэ буспатах эт-үүт аһылыгыттан, ону таһынан ыалдьыбыт сүөһүнү астыыр-үөллүүр кэмҥэ сыстыан сөп. Бүгүҥҥү күҥҥэ биһиги Москва куоракка 23 анаалыс боруобатын бэрэбиэркэҕэ ыыппыппыт. Түмүгэ кэллэ даҕаны, тута биллэриэхпит.
Ааптар хаартыскаҕа түһэриилэрэ
Биэс сыллаах тохтобул кэнниттэн Судаарыстыбаннай Кириэмил дыбарыаһыгар бастыҥ устудьуоннарга, үөрэх олимпиадаларын, айар куонкурустар, спортивнай күрэхтэһиилэр…
Сыл саамай хараҥа, тымныы бастакы ыйын туһунан Тускул үгэс быһыытынан билгэлээтэ. - 2026 сыл -…
Мэҥэ Хаҥалас улууһугар биир киһи хаһыс да төгүлүн арыгы иһэн баран, массыынаны ыытан, сууттанна. …
Саҥа дьыл буолара үс эрэ күн хаалла. Эрдэттэн хааччымматах дьон билигин тугу бэлэхтиибит диэн толкуйга…
Бу күннэргэ Мэхээлэ Дьөгүөрэп аатынан сылын ахсын ыытыллар Бэрдьигэстээх нэһилиэгин баһылыгын сылы түмүктүүр "Бастыҥнар түһүлгэлэрэ"…
Ахсынньы 28 күнүгэр «Восточнай» космодромтан «Союз-2.1б» аракыата Саха сирин бастакы «Чолбон» кыра космическай аппарааты орбитаҕа таһаарда. Бу Саха сирэ…