Дьокуускайга ыттаах хаһаайыттарга өйдөтөр, быһаарар үлэни ыытар рейдэлэр буола тураллар.
Ол курдук, бэҕэһээ, сэтинньи 8 күнүгэр, СӨ Бэтэринээрийэтин департаменын исписэлиистэрэ уонна бэйдиэ сылдьар ыттары кытта үлэлэһэр сулууспа анал рейдэҕэ Автодорожнай уокурукка сырыттылар. Аҕыйах чаас иһигэр хаһаайыннаах икки ыты Иван Арбита уонна Автомобилистар уулуссаларыгар тутан, Очиченко уулуссаҕа баар ыты быстах кэмҥэ тутар пууҥҥа илдьибиттэр. Тутуллубут ыттар хаһаайыттара административнай эппиэтинэскэ тардыллан ыстараап төлүөхтэрэ.
Автодорожнай уокурук салайааччыта Николай Обоюков иһитиннэрбитинэн, кэнники кэмҥэ хаһаайыннаах эрээри, босхо сылдьар ыттар дьоҥҥо саба түһүүлэрэ элбээбит. «Бэтэринээрийэ департаменын кытта маннык чахчылары бэрэбиэркэлиэхпит уонна эппиэтинэскэ тардыахпыт. Ыттаах хаһаайыттар ыты күүлэйдэтэр быраабыланы тутуһаргыт булгуччулаах», — диэбит. Бэлиэтээн эттэххэ, СӨ Бырабыыталыстыбатын 2014 cыл атырдьах ыйын 1 күнүнээҕи 237 №-дээх уурааҕынан, ыты иитиигэ быраабыланы кэһии иһин ыстараап олохтоммута. Аны мантан ыла ыты бэйдиэ ыытыыга кытаанах хонтуруол ылыллан, ыттаах хаһаайыттары административнай миэрэҕэ тардар туһунан Дьокуускай куорат пресс-сулууспата иһитиннэрэр.
Андрей Находкин, Ил Түмэн Сир сыһыаннаһыыларыгар, айылҕа ресурсаларыгар уонна экологияҕа сис кэмитиэтин бэрэссэдээтэлэ. Патриотизм туһунан санаатын…
Ыччаты байыаннай-спортивнай бэлэм уонна патриоттуу тыыҥҥа иитии боппуруостарын Ил Дархан Айсен Николаев уонна "Буойун" киин…
Эбийиэктэргэ баһаартан сэрэхтээх буолууну, санитарнай нуормалары тутуһууну уо.д.а. боппуруостары "Азия оҕолоро" норуоттар икки ардыларынааҕы спортивнай…
Ил Дархан Айсен Николаев уонна СӨ Ил Дарханын иһинэн үлэлиир Урбаан сүрүннүүр сэбиэтин бэрэссэдээтэлин солбуйааччыта, …
Дьокуускайга 20 №-дээх оскуола саҥа модульнай успуорт саалатыгар 850-тан тахса оҕо успуордунан дьарыктанар. "Соникс" спортивнай…
2024 сылга Саха сиригэр доруобуйа харыстабылын 11 эбийиэгэр хапытаалынай өрөмүөн ыытыллыа. Саха сиригэр федеральнай бүддьүөт…