Ульяна Захарова хаартыскаҕа түһэриитэ
Дьокуускай куоракка саас буолла даҕаны, бэйдиэ сылдьар ыттар, аттар, бөх-сах, ону сэргэ ускул-тэскил сылдьар дьон, ол эбэтэр бомжтар элбииллэр. Ханна хайыс ыт, сылгы сааҕа ыһылла сытар. Аны бу бэйдиэ сылдьар ыттар, аттар бөхтөөх баахтары өрө сүргэйэн ыһаллар-тоҕоллор, араас ыарыыны, кири-хоҕу таһаллар.
Бэйдиэ ыттары туттарыыга чат-бот, биир кэлим диспиэччэрскэй сулууспа нөҥүө сайаапка түһэрэн олохтоохтор ыт ахсаанын аччатарга туруулаһаллар. Инньэ гынан, ааспыт нэдиэлэ түмүгүнэн, 34 бэйдиэ ыты туппуттар. Ону сэргэ хаһаайыннаах ыттар бэйдиэ сылдьыыларын иһин хаһаайыттарга аҕыс боротокуол оҥоһуллубут. Дьокуускай куорат дьаһалтатын территориялары кытта үлэлиир департамент иһитиннэрбитинэн, сыл саҕаланыаҕыттан уопсайа маннык 80 боротокуол оҥоһуллубут. Ону таһынан 731 бэйдиэ ыт тутуллан «Помоги выжить» пууҥҥа илдьиллибит. Билигин пууҥҥа 1242 ыт тутуллан турар.
Күннэтэ киирэр сайаапкаларынан куоракка бэйдиэ ыттары тутууга сэттэ биригээдэ үлэлиир. Аны куорат кытыы уулуссаларыгар ыттары кытта бэйдиэ сылдьар сылгылар дьоҥҥо, оҕоҕо кутталынан суоһуур буоллулар. Сылгылар бэйдиэ тахсан киирэллэрин ааһан, элбэх кыбартыыралаах дьиэ таһыгар баар бөх баахтарын кэрийэ сылдьан ыһар-тоҕор буолбуттар. Маны сэргэ, халлаан лаппа сылыйан иһэр-аһыыр дьон эмиэ бэйдиэ барда. Ыраата барбакка, арыгы атыылыыр маҕаһыыннар тастарыгар олороллорун хаста да ааһан иһэн түбэһэн көрөбүн.
Үс сыл аннараа өттүгэр култуура салалтатын, нэһилиэк дьаһалтатын көҕүлээһинэн саҕыллан тахсыбыт "Оһуор үҥкүүтүн уруйдуубут!" тэрээһин…
Норуот суруйааччыта Наталья Михалева-Сайа алгыстаах сааһын «Барыта баар этэ...» диэн ымыылаах ырыа киэһэтинэн бэлиэтээри бэлэмнэнэр.…
Өрөспүүбүлүкэ бары храмнарыгар Пасхатааҕы сулууспалар буоллулар. Бу сырдык бырааһынньыгы көрсө Ил Дархан Айсен Николаев Преображенскай…
Өлүөнэ өрүскэ муус сүрүннээн өрөспүүбүлүкэ иһинэн Ленскэй оройуонунан уонна Иркутскай уобалас Киренскэй уобалаһынан устар. Бүгүн…
Бүгүн, ыам ыйын 5 күнүгэр, Хатаска уонна Дьокуускайга Иван Тихоновы көрдүүр дьон муһуннулар. Сүппүт уолу…
Быйыл кулун тутарга Крым Өрөспүүбүлүкэтэ уонна Севастополь куорат Арассыыйа састаабыгар киирбиттэрэ уон сыла буолбута. Севастополь…