Суотту бибилэтиэкэтин пуондатыттан
Аҕа дойду уоттаах сэриитин кэмигэр дойдубутун кырыктаах өстөөхтөн көмүскээбит дьоммутун ахтар-саныыр, аҕа көлүөнэ албаннаах аатыгар сүгүрүйэбит.
Суотту нэһилиэгиттэн Аҕа дойду сэриитигэр 189 киһи ыҥырыллан барбыта. Кинилэр ортолоругар Васильев Иван Иванович аата-суола баар. Кини кыргыс толоонугар охтубут сураҕа суох сүппүт дьоннор испииһэктэригэр киирэ сылдьар.
Иван Иванович 1909 с. I Суотту нэһилиэгэр төрөөбүт. Дьокуускайга педагогическай тиэхиньикуму үөрэнэн бүтэрбит. 1931 с. Учур районотун сэбиэдиссэйинэн, 1937-38 сс. Чурапчы райисполкомун бэрэссэдээтэлинэн үлэлээбит. 1938 с. САССР Үрдүкү Сэбиэтин дьокутаатынан талыллыбыта. Бу сыл балаҕан ыйын 27 күнүгэр сэбиэскэй былааһы утары хамсааһыны тэрийбит диэн олоҕо суох буруйданан хааллыбыт, норуот өстөөҕүнэн биллэриллибит. Ол гынан баран, 1939 с.алтынньы 9 күнүгэр буолбут суут кинини 204 нүөмэрдээх холуобунай кодекс ыстатыйатыгар олоҕуран дьыалатын тохтоппут.
Аҕа дойду сэриитигэр 1942 с. бэс ыйын 6 күнүгэр ыҥырыллан барбыт. 13-с таанка биригээдэтин састаабыгар Сталинград уобалаһыгар сулууспалыы сылдьан, 1942 с. ахсынньы 4 күнүгэр кыргыһыы толоонугар охтубут. Ити курдук Суотту биир чаҕылхай киһитэ Аҕа дойду Улуу сэриитигэр сырдык тыынын толук уурбут.
Ким да умнуллубат, туох да умнуллубат! Дойдубут кэскилин туһугар олохторун толук биэрбит дьоммут ааттара үйэлэргэ өлбөөдүйбэтин!
Раиса Черкашина,
Суотту, Уус Алдан.
Дьокуускай куорат В. И. Малышкин аатынан 23‑с нүөмэрдээх оскуолатын саха тылын, литэрэтиирэтин учуутала, РФ уопсай үөрэхтээһинин бочуоттаах…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээнин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…