Хаартыска: Таатта улууһун дьаһалтата
Таатта улууһун Ытык Күөлүгэр «Таатта дальнобой» түмсүү, Никифор Леонтьевич Кутугутов уонна кини дьиэ кэргэнэ туппут «Дьол тааһа» искибиэрэ аһылынна.
Көһүтүүлээх тэрээһиҥҥэ улуус баһылыга Айаал Семенович Бурцев, Таатта нэһилиэгин баһылыга Егор Иннокентьевич Павлов, улуус дьокутааттарын Сэбиэтин бэрэссэдээтэлэ Петр Петрович Максимов эҕэрдэ тылларын эттилэр уонна үөрүүлээх түгэнинэн наҕараадалары туттардылар. Бу туһунан Таатта улууһун дьаһалтатын пресс-сулууспата биллэрдэ.
«Таатта сирэ дириҥ историятынан, култууратынан эрэ буолбакка, үтүө мааны олохтоохторунан биллэр. Онон улуус урбаанньыттара «Таатта дальнобой» холобурдарынан көҕүлээн эһиилги Манчаары оонньууларыгар күүс көмө буолуохтара диэн эрэнэбин», — диэтэ улуус баһылыга Айаал Бурцев.
Кутугутовтар түмсүү уолаттарыгар, кинилэр дьиэ кэргэттэригэр, көмө буолбут дьонноругар махтаннылар уонна үс сыллаах үлэлэрин түмүгүн Таатта нэһилиэк олохтоохторугар бэлэх ууннулар. Бу искибиэр дьиэ кэргэттэр, ыччат сөбүлээн сынньанар сирэ буолуо диэн саарбаҕа суох. Нэһилиэк тупсарыгар сүдү кылаат киллэрбит талыы талба мааны дьонноругар махтал тылларын тиэртилэр.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…