Ытык кырдьаҕастарын эҕэрдэлииллэр

А.Е.Кулаковскай аатынан норуоттар доҕордоһууларын дьиэтэ уонна өрөспүүбүлүкэ национальнай-култуурунай түмсүүлэрэ сыл ахсын Улуу Кыайыы күнүгэр тыыл бэтэрээннэрин уонна сэрии сылларын оҕолорун эҕэрдэлииллэр.

Кыайыы күнүн көрсө, Дьокуускайга «Күн судаар дьаамсыктарын удьуордара» уопсастыбаннай түмсүү кыттыылаахтара бэтэрээннэрин дьиэлэригэр тиийэн эҕэрдэлээтилэр. Аҕа дойду сэриитин кыттыылааҕын огдооботугар, үлэ, тыыл бэтэрээнигэр, «Ямские бубенцы» ансаамбыл кыттыылааҕар, 95 саастаах ытык кырдьаҕас  Татьяна Митрофановна Филипповаҕа уонна үлэ, тыыл бэтэрээнигэр, 100 саастаах ытык кырдьаҕаска Евдокия Васильевна Петроваҕа сырыттылар. Итии-истиҥ эҕэрдэлэрин тиэртилэр, ырыа ыллаатылар. Сэрии ыар сылларын санныларыгар сүкпүт ытык кырдьаҕастар бу итии-истиҥ эҕэрдэттэн улаханнык үөрдүлэр, долгуйдулар.

«В гости к ветерану» аахсыйа «СВОИ» бырайыак иитинэн ыытыллар диэн норуоттар доҕордоһууларын дьиэтин пресс-сулууспата бэлиэтиир.  Аахсыйаҕа өрөспүүбүлүкэ национальнай-култуурунай түмсүүлэрэ кытталлар. Кинилэр бу күннэргэ бэтэрээннэрин эҕэрдэлииллэр.