Хаартыска Бу туһунан СӨ Баһылыгын уонна Бырабыыталыстыбатын пресс-сулууспатыттан
Бүгүн, сэтинньи 26 күнүгэр, Арктикатааҕы судаарыстыбаннай агротехнологическай университекка Аҕа дойду буойуннарын дьиэ кэргэттэрин кэмитиэтин салайааччыта Юлия Белехова уонна CӨ ыччат дьыалаларыгар миниистир эбээһинэһин толорооччу Игорь Юргин Гражданскай уонна патриотическай иитии киин актыбыыстары кытта көрүстүлэр.
Бу туһунан СӨ Баһылыгын уонна Бырабыыталыстыбатын пресс-сулууспата иһитиннэрэр.
Юлия Белехова эдэр дьоҥҥо Аҕа дойду буойуннарын дьиэ кэргэттэрин кэмитиэтин үлэтин туһунан кэпсээтэ.
«Патриотизм дьиэ кэргэнтэн саҕаланар, Ийэ дойдубут эмиэ онтон саҕаланар», – диэтэ Юлия Белехова.
Актыбыыстар Аҕа дойду буойуннарын дьиэ кэргэттэрин кэмитиэтин салайааччытыгар байыаннай дьайыы байыастарыгар анаан оҥорбут бородууксуйаларын, ол иһигэр блиндаж чүмэчилэрин уонна маскировкалыыр сиэккэлэри көрдөрдүлэр. Хас ый аайы «Патриот-14» киин фроҥҥа 30-тан тахса маскировкалыыр сиэккэни ыытар диэн волонтердар кэпээстилэр.
Көрсүһүүгэ Аҕа дойду буойуннарын дьиэ кэргэттэрин кэмитиэтэ Саха сиригэр ыччат патриотическай тэрилтэлэрин кытта ыкса сибээстээхтик үлэлиирин бэлиэтээтилэр. Бу үлэлэр байыаннай дьайыы кыттыылаахтарыгар, бэтэрээннэргэ уонна кинилэр дьиэ кэргэттэригэр көмөнү оҥорууга, өйөөһүҥҥэ туһуланаллар. Социальнай суолталаах уонна патриотическай бырайыактар өрөспүүбүлүкэ салалтатынан уонна Ыччат министиэристибэтинэн өйөнөллөр.
Аҕа дойду буойуннарын дьиэ кэргэттэрин кэмитиэтин салайааччыта Юлия Белехова бу сырыытын кэмигэр волонтердары, уопсастыбаннаһы, тэрилтэлэр актыбыыстарын кытта көрсүөҕэ.
Саҥа дьыллааҕы сандалыга өссө биир судургу эрээри, минньигэс, тотоойу сокууска ырыссыабын таһаарабыт. Куурусса этин…
Уһук Илин олохтооҕо 20 лотерея билиэтин атыылаһан, 31,5 мөлүйүөнтэн тахса солкуобайы сүүйбүтүн туһунан РИА-ҕа РФ…
Ахсынньы 28 күнүгэр АХШ бэрэсидьиэнэ Уэст-Палм-Бич аттыгар Мар-а-Лагоҕа баар дьиэтигэр Зеленскэйи кытта көрсүбүтэ. Ол иннинэ…
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…