Василий Кононов хаартыскаҕа түһэриитэ
Сэттис ыҥырыылаах Ил Түмэн бастакы пленарнай мунньаҕа үлэтин саҕалаата. Судаарыстыбаннай Мунньах Бэрэссэдээтэлин солбуйааччытынан талыллыбыт Юрий Николаев Ил Түмэн бастакы күнүн түмүгүнэн санаатын үллэстэр:
— Сэттис ыҥырыылаах Ил Түмэн пленарнай мунньаҕын бастакы күнүн үлэтин түмүктээтэ. Мин сэттис ыҥырыылаах Ил Түмэн бастакы пленарнай мунньаҕын тэрийэр кэмитиэтигэр салайааччынан талыллыбытым. Бастакы пленарнай мунньах диэн ураты мунньаҕынан буолар. Сэттис ыҥырыылаах Ил Түмэн мунньаҕын секретариата, ааҕар хамыыһыйа, мандаат хамыыһыйата тэрилиннэ. Ил Түмэн үлэтин саҕалаата, бэрэссэдээтэли уонна кини солбуйааччыларын таллыбыт.
Сарсын эбиэт кэннэ кэмитиэттэр бэрэссэдээтэллэрин уонна чилиэннэрин талыахпыт. Көстөрүн курдук, Ил Түмэн тутула кыратык уларыйда, ол гынан баран сокуон иһинэн бэриллибит көҥүлүнэн буолла диэххэ наада. Урут бэрэссэдээтэл солбуйааччылара бэйэлэрин үлэлэрин эрэ толороллоро. Оттон билигин бэрэссэдээтэл солбуйааччылара кэмитиэттээх буолуохтаахтар диэн, өссө үс хайысханан кэмитиэт тэрилиннэ.
Бэйэм туспунан этэр буоллахпына, бэрэссэдээтэл солбуйааччыта бүддьүөт хайысхатынан барыахтаах диэн буолла. Онон бэрэссэдээтэли солбуйааччы уонна сис кэмитиэт бэрэссэдээтэлин дуоһунастарын солбуйуу үлэтэ элбиирэ, кэҥээн биэрэрэ буолуо диэн сабаҕалыыбын. Мин санаабар, оҥорон таһаарыыга үлэлээбит, сис кэмитиэти салайбыт уопуттаах буоламмын, үлэм хайысхата өйдөнөр, ону толорорго бэлэммин.
Өлүөхүмэ куорат баһылыга Сергей Щебляков бэйэтэ баҕа өттүнэн астаапкаҕа барда. Бу туһунан "Өлүөхүмэ" оройуоннааҕы хаһыат …
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…