Юрий Трутнев байыаннай кэрэспэдьиэҥҥэ литературнай бириэмийэни туттарда

Уһук Илиҥҥи федеральнай уокурук бастайааннай бэрэстэбиитэлэ Юрий Трутнев Донецкай норуоднай өрөспүүбүлүкэ сиригэр-уотугар оробуочай сырыытынан тиийдэ.

Ол сылдьан Бүтүн Арассыыйатааҕы литератураҕа анаммыт В.К.​ Арсеньев аатынан бириэмийэни биллэр байыаннай кэрэспэдьиэҥҥэ  Дмитрий Селезнёвка туттарда. WarGonzo бырайыак репортера Дмитрий быйыл Донецк, Волноваха, Мариуполь курдук “итии туочукаларга” туох буола турарын сырдатыынан дьарыктаммыта.

“Байыаннай кэрэспэдьиэн үлэтэ олус улахан суолталаах. Дойду нэһилиэнньэтигэр кырдьыгы тута кэпсиир дьон ирдэнэр. Дьон хайдах бу сиргэ кыргыһыы бара турарын, дойдуну көмүскээччилэр күнтэн күн көрдөрөр хорсун быһыыларын сырдатыы хайаан да наада. Биһиги кыайыах тустаахпыт. Ким да туора туран хаалыа суохтаах. Дойду дьоно барыта кыайыыны уһансыахтаах”, — диэн эттэ Юрий Трутнев.