Хабаровскай кыраайга Илиннээҕи байыаннай уокурукка анал үөрэтэр киин тэрилиннэ. РФ бэрэсидьиэнигэр Уһук Илин федеральнай уокурук боломуочуйалааҕа — вице-премьер Юрий Трутнев киини бэлэмниир үлэ хайдах-туох бара турарын билистэ уонна быстах хомуурга ыҥырыллыбыт байыастары кытары көрүстэ.
Юрий Трутнев полигоҥҥа сылдьан, байыастар бойобуой дьайыы кэмигэр хайдах-туох ньыманы туһанан дьарыктаналларын көрдө-иһиттэ. Кини бу күннэргэ Уһук Илин уокурук эрэгийиэннэрин салайааччылара быстах хомуурга ыҥырыллыбыттары уонна баҕа өттүнэн барбыттары хонтуруолга туталларыгар ыҥырбыта. «Миэстэтигэр тиийэн, ыҥырыллыбыт уонна баҕа өттүнэн тиийбит байыастар билиҥҥи ирдэбилгэ эппиэттиир гына сэбилэммиттэрин, сөптөөх таҥаһынан-сабынан хааччыллыбыттарын, үөрэниини этэҥҥэ ааһалларын хонтуруоллуохха наада», — диэн Юрий Петрович быһаарбыт. Онон Юрий Трутнев Уһук Илиҥҥи уокурукка быстах хомуурга ыҥырыллыбыттары байыаннай дьыалаҕа бэлэмнээһини кытаанах хонтуруолга ылан олорор. Кини Хабаровскайга оробуочай сырыытынан кэлээт, тута үөрэтэр кииҥҥэ тиийэн, «Настарыанньа хайдаҕый?», —диэн ыйыппытыгар, «Бойобуой!», — диэн тыллар иһилиннилэр.
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…
Бүгүн, ахсынньы 14 күнүгэр, Саха сирин сорох улуустарыгар -12 кыраадыс буолара күүтүллэр диэн УГМС иһитиннэрэр.…
Бүгүн, ахсынньы 13 күнэ, САССР норуодунай артыыһа, сахалартан бастакынан улуу сирдьит Ленин оруолун саха национальнай…
Маны туһанан Арассыыйаҕа түөкүттэр сиэри таһынан баран эрэллэр. Куйаар ситимэ киириэҕиттэн бэйэтэ да түргэтээбит, ааһа…