https://www.sakha.gov.ru/
РФ Бырабыыталыстыбатын бэрэссэдээтэлин солбуйааччы – Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев бу күннэргэ ДНР социальнай тутууларын чөлүгэр түһэрии үлэлэрин бэрэбиэркэлээтэ. Вице-премьер оробуочай сырыытын кэмигэр Докучаевскай, Дебальцево уонна Шахтёрскай куораттарга сырытта.
“Бүгүн биһиги инники күөҥҥэ сылдьар уолаттарбытыгар төһө кыахпыт баарынан көмөлөһөбүт. Биһиги эйэ туһунан эмиэ толкуйдуохпутун наада, оҕолор үөрэниэхтээхтэр, оскуолалар үлэлиэхтээхтэр, бассейннар уонна спортивнай комплекстар чөлүгэр түһэриллиэхтээхтэр. Бу үлэ барыта РФ Бэрэсидьиэнэ Владимир Владимирович Путин сорудаҕынан, ДНР-га Уһук Илиҥҥи эрэгийиэннэрэ ыыталлар. Биир да бырайыак хойутаабакка, болдьоҕор киирэрин хонтуруоллуубут», — диэтэ Юрий Трутнев.
Ааспыт сылга Саха Өрөспүүбүлүкэтэ социальнай инфраструктураны чөлүгэр түһэриигэ үлэтин саҕалаабыта. Онон, былырыын Докучаевскайга 65 эбийиэккэ өрөмүөннүүр-чөлүгэр түһэрэр үлэлэр ыытылыннылар.
Суоллары-иистэри, эбийиэктэри өрөмүөннээбиттэрэ. Маны таһынан, Еленовкаҕа МФЦ, баан отделениета, бибилэтиэкэ киирэр култуура дьиэтигэр уонна дьаһалтаҕа хапытаалынай өрөмүөн ыытыллыбыта. Ыкса сибээс олохтоммут куоратыгар билигин Саха сирин быраастарын биригээдэтэ үлэлиир. Миэдиктэр суһал көмөҕө наадыйбыт дьону, хирургия отделениетын пациеннарын көрөллөр-истэллэр.
Юрий Трутнев Дебальцевоҕа 2 №-дээх оскуола хапытаалынай өрөмүөнүн көрдө. Оскуола түмэлин үлэтин кытта билистэ.
Сиһилии манна ааҕыҥ https://www.sakha.gov.ru/news/front/view/id/3487400
Саҥа дьыллааҕы бырааһынньыктар иннинэ түөкүттэр былаас аатыттан сымыйа төлөбүрдэринэн уонна «бэлэхтэринэн» албынныыр ньыманы көхтөөхтүк туһанан…
Ахсынньы 20 күнүгэр Дьокуускайга «Спортивнай» түөлбэҕэ элбэх хайысхалаах успуорт саалатын үөрүүлээх аһыллыыта буолла. СӨ Ил…
Ахсынньы ыйыгар Саха сиригэр кыһыҥҥы суоллар аһыллыбыттарын үрдүнэн, улуустар икки ардыларынааҕы таксыы сыанатыгар биллэр-көстөр чэпчэтии…
СӨ Бырабыыталыстыбатын бэрэссэдээтэлин бастакы солбуйааччы Дьулустаан Борисов санаатынан, Арассыыйа Бэрэсидьиэнин пресс-кэмпириэнсийэтэ киэҥ ис хоһоонноохтук, киирбит…
СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба…
Күн бүгүҥҥүттэн үлэ күнүн кыраапыгын оҥоһуу өй (ИИ) былаанныан сөп. Үлэ эйгэтэ олус түргэнник уларыйан,…