Хаартыска sakha.gov.ru ылылынна
Уһук Илиҥҥи федеральнай уокурук сэбиэтин мунньаҕар бырабыыталыстыба бэрэссэдээтэлин солбуйааччы — Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев Уһук Илин эрэгийиэннэрин баһылыктарын кытары байыаннай эпэрээссийэни өйөөһүҥҥэ субъектар үлэлэрин уопутун дьүүллэстилэр.
«Уһук Илиҥҥи федеральнай уокурук бары субъектарын бэрэстэбиитэллэрэ байыаннай эпэрээссийэ чэрчитинэн дойдуларын көмүскүүллэр. Уһук Илиҥҥи эрэгийиэннэр бары көмөлөрүн оҥороллор. Бу көмө саҥа сирдэри чөлүгэр түһэрии, байыастар дьиэ кэргэттэрин кытары үлэ, материальнай-тиэхиньиичэскэй өйөбүл, кыайыыга аналлаах бородууксуйаны оҥорор тэрилтэлэри өйөөһүн чэрчитинэн оҥоһуллар. Хас биирдии эрэгийиэн бэйэтин уопутун мунньунна», -– диэн Юрий Трутнев дьүүллэһиини саҕалаата.
«Биһиги дойдубут бөҕөргөтүүгэ үлэлиир, байыаннай эпэрээссийэ бородууксуйатын оҥорор тэрилтэлэри өйүүргэ кыһаллабыт. Маннык тэрилтэлэргэ чэпчэтиилэр элбэхтэр. Онон «Патриотическай» диэн урутаан сайдар сир-уот диэн саҥа көрүҥ баар буолла. Бу барыта урбаанньыттар икки хос уонна байыаннай суолталаах бородууксуйаны оҥороллорун, кыайыыга көмөлөһөллөрүн туһугар оҥоһулунна», -– диэтэ Юрий Трутнев.
Оборона-бырамыысыланнай комплексын тэрилтэлэригэр устудьуоннар дьарыктаах буолалларын уонна уонна үөрэҕи бүтэрдэхтэринэ үлэҕэ ылыыга көмөлөһөр дьаһалларга этиилэр киирдилэр. Ыччат судаарыстыбаннай бэлиитикэтин олоххо киллэрии чэрчитинэн, Арассыыйа Оборонаҕа министиэристибэтэ устудьуоннар дьарыктаах буолалларыгар уонна үрдүк үөрэҕи бүтэрбиттэри үлэҕэ ыларга көмөлөһөр дьаһаллар миэрэлэрин олоххо киллэрэр. Уһук Илин эрэгийиэннэрэ Донецкай Норуодунай Өрөспүүбүлүкэ социальнай инфраструктуратын чөлүгэр түһэрэргэ көмөлөһөллөр. 2022 сыллаахха 318 социальнай эбийиэк чөлүгэр түһэриллибитэ. Атын эрэгийиэнтэн кэлбит дьиэ кэргэттэргэ көмөҕө туспа болҕомто ууруллар. Барыта Уһук Илиҥҥэ 3610 киһи, ол иһигэр 913 оҕо, суһаллык кэлбитэ. Кинилэр оҕолорун уһуйааҥҥа, оскуолаҕа, үрдүк уонна орто үөрэх кыһаларыгар киллэрэр кыах бэриллибитэ. 586 оҕо үөрэх тэрилтэлэригэр үөрэнэр.
«Уһук Илин эрэгийиэннэрэ бары араас көрүҥүнэн байыаннай эпэрээссийэҕэ сылдьааччыларга көмөлөһөллөр. Хас биирдии эрэгийиэн бэйэтин уопутун мунньунна. Бу уопуту түмэн бэйэ-бэйэни кытары үллэстиххэ наада», -– диэтэ.
(СӨ Ил Дарханын уонна бырабыыталыстыбатын пресс-сулууспатын матырыйаалларынан)
Саха Өрөспүүбүлүкэтин Ил Дархана Айсен Николаев Арассыыйа Бэрэсидьиэнэ солотугар киирэр үөрүүлээх сиэригэр-туомугар кытынна. Ил Дархан…
Бүгүн Владимир Путин Арассыыйа Бэрэсидьиэнин дуоһунаһыгар киирэр ураты күнэ буолла. Владимир Путиҥҥа итэҕэйэммит, киниэхэ эрэнэммит талбыппыт…
Бүгүн ураты тэрээһин буолла, Владимир Путин Арассыыйа Бэрэсидьиэнин дуоһунаһыгар киирэр үөрүүлээх күнэ үүннэ. Биһиги байыаннай…
ДАрассыыйа Дьоруойа, "Сулус" үөрэтэр-эрчийэр киини салайар Александр Колесов Москваҕа Кыайыы Параадыгар ыҥырыылаах ыалдьыт быһыытынан кыттыыны…
Бүгүн, ыам ыйын 7 күнүгэр, дойду биир сүрүн событиета – Кириэмил Улахан дыбарыаһыгар Владимир Путин…
Тулаайах уонна төрөппүт көрүүтэ суох хаалбыт оҕолору дьиэнэн хааччыйыы бырагыраама өрөспүүбүлүкэҕэ үлэлээбитэ быданнаата. Тутуу министиэристибэтэ…