Юрий Трутнев: сыал-сорук төрөөбүт дойдуга бэриниилээх буолууну күүһүрдэргэ туһаайыллар 

РФ Бырабыыталыстыбатыгар Бойобуой ускуустубалар Арассыыйатааҕы сойуустарын (РСБИ) хос бэрэссдээтэллэрэ — РФ бырабыыталыстыбатын бэрэссэдээтэлин солбуйааччы уонна Уһук Илиҥҥи федеральнай уокурукка бэрэсидьиэн боломуочуйалаах бэрэстэбиитэлэ Юрий Трутнев (7 Дан Киокусинкай) уонна РФ Бэрэстдьиэнин Дьаһалтатын салайааччытын бастакы солбуйааччы Сергей Кириенко (6 Дан Айкидо Айкикай) бойобуой ускуустубалар Арассыыйатааҕы сойуустарын (РСБИ) отчуоттуур-быыбардыыр кэмпириэнсийэтин ыыттылар. Кэмпириэнсийэҕэ РСБИ чилиэттэрэ — федерациялар бэрэстэбиитэллэрэ кытыннылар.

—Бойобуой ускуустубалар Арассыыйатааҕы сойуустара тэриллибитэ 20 сыл буолла. Бу кэм устатыгар 17 тыһ. тахса успуорт маастара, икки тыһыынчаҕа чугаһыыр норуоттар икки ардыларынааҕы кылаастаах маастардар, 500-тэн тахса РФ успуорка үтүөлээх маастардара иитиллэн таҕыстылар. Кинилэртэн 500-тэн тахса Европа чөмпүйүөнэ, 400-кэ чугаһыыр киһи аан дойду чөмпүйүөнэ буолбуттара. Тириэнэьэрдэр састааптарыгар дьулуурдаах үлэлэрин иһин махтаныахпын баҕарабын. Биһиги аан дойдуга саамай күүстээхтэринэн буолабыт:  икки төгүллээн аан дойдуга бройобуой ускуустубалар оонньууларын ааспыппыт, онно биһиги кыайбыппыт. Бэлиэтээн эттэхпинэ, РСБИ сыала-соруга иитиллээччилэри спортивнай өттүнэн сайыннарарын таһынан, патриотизмы, сиэр-майгы сыаннастарын бөҕөргөтүүгэ туһаайыллар. Биһиэхэ ол кыалынна диэххэ сөп. Байыаннай дьайыы сиригэр-уотугар РСБИ түмүллүбүт холбоһуктаах этэрээтэ үлэлиир. Ыччаттар тус бэйэлэринэн Ийэ дойдуларын туһугар бэриниилээхтэрин бойобуой соруктары толоролууларыгар көрдөрөллөр. Бүгүн биһиги этэрээккэ бэйэлэрин баҕа өттүлэринэн кэлээччилэри тардыы туһунан кэпсэтиэхпит. Бүгүҥҥү балаһыанньаҕа, байыаннай дьайыы ыытыллар усулуобуйатыгар, РСБИ дойдуну кытта бииргэ буоларын сэргэ, спортивнай да, бойобуой да биир сомоҕолоһууну бары өттүнэн өйүүрүгэр, көмөлөһөрүгэр, бөҕөргөтөрүгэр эрэнэбин, — диэн кэмпириэнсийэҕэ Юрий Трутнев эттэ.

—Тириэньэр, уһуйааччы суолтатын сыаналыыр уустук. Бойобуой ускуустуба маастарыстыбатын үүнэр көлүөнэҕэ тиэрдээччи, саамай сүрүнэ — олоххо маастарыстыбаны: ыарахаттары сатаан туоруур буоларга уһуйар, тоҕо диэтэххэ бойобуой ускуустуба маастарыгар саамай уустук уонна ыарахан утарылаһааччынан бэйэ мөлтөх буолуута, куттаныыта буолаллар. РСБИ уонна уһуйааччылар соруктара — үүнэр көлүөнэни иитэн-такайан таһаарыы, — диэн бэлиэтиир Сергей Кириенко.

РСБИ сыллата Арассыыйа уонна эрэгийиэн таһымнаах 1,5 тыһ. тахса тэрээһини ыытар. Бөдөҥ бырайыактары көҕүлээччинэн уонна тэрийээччинэн буолар. Биир саамай улаханынан — Бүтүн Арассыыйатааҕы «Кыайыы эстэпиэтэтэ» спортивнай-патриотическай аахсыйа. Быйыл, Аҕа дойду уоттаах сэриитигэр Улуу Кыайыы 80 сылыгар, онно 90 тыһ. чугаһыыр киһи кыттыыны ылбыта.

РСБИ көмөтүнэн Анапаҕа хас сыл ахсын Бүтүн Арассыыйатааҕы бойобуой ускуустубалар оонньуулара ыытыллар. Бу күөн күрэскэ 12-18 саастаах биэс тыһыынчаҕа чугаһыыр эдэр спортсмен кыттар. Быйыл 17 төгүлүн ыытыллыбыт күрэскэ 22 успуорт көрүҥэр 77 эрэгийиэнтэн спортсменнар кыттыбыттара.

Сиһилии: https://www.sakha.gov.ru/news/14383