Хаартыска: sakha.gov.ru ылылынна
РФ Бырабыыталыстыбатын Бэрэссэдээтэлин солбуйааччы — РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев «Воин» киини дойду үрдүнэн аһар наадатын этэр.
«Мин маннык киин дойду үрдүнэн аһыллыан наада диэн этэбин, эрэнэбин. Ийэ дойдуну көмүскүүргэ эдэр дьону үөрэтэн таһаарыахпытын наада. Киһи дойдутун таптыыр эрэ буолбакка, көмүскүүргэ эмиэ бэлэм буолуохтаах. «Воин» кииҥҥэ бастыҥ исписэлиистэри талбыппыт. Филиалларга ханнык баҕарар хайысхаҕа бэлэмнээһини салайар дьон тиһиктээхтик үөрэнэллэр, уопуттарын атастаһаллар. Билигин кинилэр байыаннай дьайыы зонатыгар командировкаҕа бардылар», — диэн Юрий Трутнев Мурманскайга буолбут норуоттар икки ардыларынааҕы арктическай пуорум түмүгүнэн ыытыллыбыт пресс-кэмпириэнсийэ кэмигэр эппитэ.
«Воин» киин РФ Бэрэсидьиэнин сорудаҕынан тэриллибитэ уонна номнуо 21 эрэгийиэҥҥэ баар. Манна патриотическай иитиигэ уонна байыаннай-спортивнай бэлэмнээһиҥҥэ 14-35 саастаах ыччаттарга үөрэх бырагыраамалара олоххо киирэллэр.
«Воин» киин Саха сиринээҕи филиала сыл устата ыччаты патриотическай иитии уонна байыаннай бэлэмнээһин систиэмэтигэр биир саамай улахан звенонан буолла», — диэн бэлиэтиир Ил Дархан Айсен Николаев.
Кини филиал өрөспүүбүлүкэҕэ үөрэх тэрилтэлэрин кытары бииргэ үлэлээһиҥҥэ ураты болҕомтотун уурарын бэлиэтээтэ. 2025 сыл саҕаланыаҕыттан «Воин» киин выпускниктарыгар саҥа кыаҕы арыйар 18 дуогабар түһэрсиллибит.
Бу туһунан сиһилии https://www.sakha.gov.ru/news/front/view/id/3489938 манна киирэн ааҕыаххытын сөп.
СӨ Ил Дарханын уонна Бырабыыталыстыбатын пресс-сулууспата
Горнай улууһугар Атамайга аҕам саастаахтар дэкээдэлэрин чэрчитинэн "Славим возраст золотой" диэн улуустааҕы тэрээһин буолан ааста.…
Донецкай Норуодунай Өрөспүүбүлүкэтин эргин Саха сирин тирэх пууна баарын истэ-билэ сылдьар буолуохтааххыт. Өрөспүүбүлүкэбититтэн хомуллан тиийбит…
Быйыл Саха Өрөспүүбүлүкэтэ норуот уһулуччулаах маастара, П.А.Ойуунускай аатынан Судаарыстыбаннай бириэмийэ лауреата, Саха сирин Духуобунаһын академиятын…
Үс үллэр үөстээх, үлүскэннээх сүүрүктээх Улуу Өлүөнэ эбэбит, уос номоҕор туойуллар түҥ былыргы кэмнэртэн сири-сибиири,…
Бүгүн, алтынньы 25 күнүгэр, Саха сирин норуодунай бэйиэтэ, Аҕа дойду Улуу сэриитин кыттыылааҕа, оҕо суруйааччыта,…
sakha-sire.ru саайт «Кэпсээннэ истиэҕиҥ» диэн саҥа бырайыагар "Саха сирэ" хаһыат суруналыыһа, суруйааччы Ульяна Захарова «Абааһы…