Борис Неустроев-Мандар Уус 80 сааһынан аахсыйа ыытыллар

Быйыл Саха Өрөспүүбүлүкэтэ норуот уһулуччулаах маастара, П.А.Ойуунускай аатынан Судаарыстыбаннай бириэмийэ лауреата, Саха сирин Духуобунаһын академиятын академига, култуура үтүөлээх үлэһитэ, Таатта улууһун бочуоттаах гражданина Борис Федорович Неустроев-Мандар Уус 80 сааһын бэлиэтиир.

«Маастар үбүлүөйэ өрөспүүбүлүкэҕэ дьоһун суолталаах түгэнинэн уонна кини саха норуотун култууратын уонна үгэстэрин харыстыырга, эдэр маастардары иитэн таһаарарга уонна уопсастыба духуобунай төрүттэрин сайыннарарга кылаатын иһин махтанар төрүөт буолар», – диэтэ Ил Дархан.

Үбүлээр 80 сааһыгар Туймаада Ыһыаҕын чэрчитинэн «Утум Уус» уус маастардарын өрөспүүбүлүкэтээҕи бэстибээлэ анаммыта.
Билигин «Мандар Уус в пути» хартыынатынан оҥоһуллубут көбүөрдэри атыылааһыҥҥа аахсыйа ыытыллар. Атыыттан киирбит үп барыта Таатта улууһун Баайаҕа сэлиэнньтэтигэр «Мандар Уус» этнологическай мусуой комплексын тутууга ыытыллыаҕа.
«Маннык көбүөрү атыыласпыттартан биирдэстэринэн буолбуппуттан уонна мусуой улахан эйгэтин тэрийэргэ тус кылааппын киллэрбиппиттэн үөрэбин», -– диэтэ Айсен Николаев.
Норуот маастара Мандар Ууска уус дьыалатын сайыннарарга ураты өҥөтүн иһин Саха Өрөспүүбүлүкэтиг Ил Дарханын 30 тыһыынча суумалаах истипиэндьийэтэ ананна.

СӨ Ил Дарханын уонна бырабыыталыстыбатын пресс-сулууспата