Үүнэр көлүөнэ тыйаатыра 33-с айар дьылын Грознайга арыйыаҕа

СӨ Үүнэр көлүөнэ судаарыстыбаннай тыйаатыра балаҕан ыйын 8 — 14 күннэригэр  Чечняҕа Грознай куоракка ыыттыллар «ФЕДЕРАЦИЯ» Бүтүн  Арассыыйатааҕы национальнай тыйаатырдар бэстибээллэригэр ыҥырыллыбыт. 

Онон, Үүнэр көлүөнэ тыйаатыра 33 театральнай сезонун Грознайга арыйыаҕа.

Маны  таһынан тыйаатыр «ВМЕСТЕ»  II норуоттар икки ардыларынааҕы дьиэ кэргэн театральнай  бэстибээлигэр ыҥырыллыбыт.  Бэстибээл балаҕан ыйын  18 — 22  күннэригэр Ульяновскай уобаласка ыытыллар.

Балаҕан ыйын 22 — 28 күннэригэр  «Большие гастроли» федеральнай бырагыраама иитинэн, тыйаатыр Калмыкияҕа Элиста куоракка гостуруолга айанныаҕа диэн Үүнэр көлүөнэ тыйаатырын пресс-сулууспата иһитиннэрэр.