Ааспыт сыл бүтүүтэ Таатта улууһун Харбалаах сэлиэнньэтигэр 120 төбөҕө анаммыт сүөһүнү иитэр комплекс үлэҕэ киирдэ. Тыа хаһаайыстыбатын министиэристибэтин иһинэн ыытыллыбыт куонкуруска кыттан, “Туймаада” ҮАПК иэс биэрбитэ. Онон “Хочо” кэпэрэтиип сүөһүлэрэ хайыы-үйэ баайыллан тураллар.
Аныгылыы киэптээх, толору механизациялаах, уулатыыта, ыаһына барыта аптамаат көмөтүнэн оҥоһуллар, үлэһиттэр сынньаналларыгар толору усулуобуйалаах, бэл, душтаах комплекс, дьэ, кэпсииллэринэн, харах үөрэр тутуута буолбут. Ол иһин бэдэрээтчит Владимир Бекренев салайааччылаах тутааччыларга махталлара улахан. Аны билигин иккис түһүмэҕинэн бу комплекска үчүгэй боруода ынахтары соҕурууттан аҕалыыга “Сахаплем” тэрилтэни кытта үлэлэһэн эрэллэр. Ити курдук, өрөспүүбүлүкэ Тыатын хаһаайыстыбатын министиэристибэтэ төһө да айылҕа уустук усулуобуйалары үөскэппитин үрдүнэн, сылы этэҥҥэ түмүктээн эрэр. Маныаха өрөспүүбүлүкэ Ил Дархана, Бырабыыталыстыбата тыа хаһаайыстыбатын салаатын 2018 сыллаахха 10,5 млрд солкуобайтан кэлэр сылга 14,2 млрд солкуобайга диэри үбүлээһини үрдэппитэ хамсатар күүһүнэн буолуоҕа. Ону тэҥэ тыа хаһаайыстыбатын табаары оҥорооччуларын субсидиялааһын улаатта. Ийэ төбө сүөһүгэ кэтэх хаһаайыстыбаларга уопсайа 1,3 млрд солк. субсидия ыытыллыбыт.
Үүтү туттарыыга үүт субсидиятыгар тохтоотоххо, тэрээһиннээх хаһаайыстыбаларга үүт субсидията 35 солкуобайтан 50 солкуобайга диэри үрдээбитэ уонна 2023 сылга 10 солкуобайынан эбиллиэҕэ. Ил Дархан Айсен Николаев өрөспүүбүлүкэҕэ аска-үөлгэ куттал суох буолуутун, чуолаан, аһынан-үөлүнэн хааччыллыыны тупсарыыга СӨ Тыатын хаһаайыстыбатын министиэристибэтигэр сорудахтаата.
Саха сирин Ил Дархана элбэх оҕолоох ыаллары социальнай өттүнэн өйүүр эбии миэрэлэр тустарынан ыйаахха илии…
Бэс Күөлүгэр сэргэх тэрээһин буолла. Нэһилиэк баһылыга Айсен Егорович Павлов үөрүүлээх тэрээһиҥҥэ мустубут дьону эҕэрдэлээтэ…
Маннык эмиэ этэллэр эбит. Биһиги дьылҕабыт зодиакпыт бэлиэтиттэн эрэ буолбакка, нэдиэлэ ханнык күнүгэр төрөөбүппүтүттэн эмиэ…
Ил Дархан Айсен Николаев харах балыыһатын стационарнай отделениета аһыллыытыгар, тэрилтэ өрөспүүбүлүкэҕэ доруобуйа харыстабылын сайдыытыгар ситиһиилээх…
Халыма-Индигиир улуустарын уокуругуттан үгүс спортсмен араас көрүҥнэргэ ситиһиилэрдээхтэр. Ол курдук, бу күннэргэ Муоматтан төрүттээх бөҕөс…
Бу сирдэргэ хаһан баҕарар сылдьыахха сөп, ол эрээри кутаа уотун оттор көҥүллэммэт. Дьокуускайга Кангаласс түөлбэтигэр…